കോവിഡ് വ്യാപനം രൂക്ഷമായതിനെ തുടര്ന്ന് ഓസ്ട്രേലിയ-ന്യൂസിലന്ഡ് ഏകദിന പരമ്പര മാറ്റിവച്ചു
കോവിഡ് വ്യാപനം രൂക്ഷമായതിനെ തുടര്ന്ന് ഓസ്ട്രേലിയ-ന്യൂസിലന്ഡ് ഏകദിന പരമ്പര മാറ്റിവച്ചു. ന്യൂസിലന്ഡിലെയും പടിഞ്ഞാറന് ഓസ്ട്രേലിയയിലെയും കടുത്ത കോവിഡ് നിയന്ത്രണങ്ങള് മൂലമാണ് പരമ്പര മാറ്റിവയ്ക്കേണ്ടി വന്നത്. ന്യൂസിലന്ഡിലെ കോവിഡ് പ്രോട്ടോക്കോള് പ്രകാരം രാജ്യത്തേക്ക് എത്തുന്നവര് 10 ദിവസം നിരീക്ഷണത്തിലിരിക്കേണ്ടി വരും.
ഇതോടെ ഓസ്ട്രേലിയയ്ക്കെതിരായ ഏകദിന പരമ്പരയ്ക്ക് ടെസ്റ്റ് ടീമിലെ താരങ്ങളെ ഒഴിവാക്കി ടീമിനെ അയയ്ക്കാന് ന്യൂസിലന്ഡ് ബോര്ഡ് ആലോചന തുടങ്ങിയിരുന്നു. ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പര മുന്നിര്ത്തിയാണ് ഇത്തരമൊരു ആലോചന നടത്തിയത്.
മാത്രമല്ല, ആദ്യ ഏകദിനത്തിന് വേദിയാകേണ്ട പടിഞ്ഞാറന് ഓസ്ട്രേലിയയിലെ പെര്ത്തിലും നിയന്ത്രണങ്ങള് വളരെയേറെയാണ്. ഇതോടെയാണ് ഇരു ബോര്ഡുകളും കൂടിയാലോചിച്ച് പരമ്പര മാറ്റിവയ്ക്കാന് തീരുമാനിച്ചത്.
"
https://www.facebook.com/Malayalivartha