ക്രിക്കറ്റ് ആരാധകര്‍ക്ക് ഇനി ആവേശത്തിന്റെ നാളുകള്‍.... ഐ.പി.എല്ലിന്റെ പതിനഞ്ചാം സീസണിന് ഇന്ന് തുടക്കം.. മുംബയ് വാങ്കഡെ സ്റ്റേഡിയം വേദിയാകുന്ന ഉദ്ഘാടന മത്സരത്തില്‍ നിലവിലെ ചാമ്പ്യന്‍മാരായ ചെന്നൈ സൂപ്പര്‍ കിംഗ്‌സും കൊല്‍ക്കത്ത നൈറ്റ് റൈഡേഴ്‌സും തമ്മില്‍ ഏറ്റുമുട്ടും.

രാത്രി 7.30 മുതലാണ് മത്സരം. ലൈവ്: സ്റ്റാര്‍ സ്‌പോര്‍ട്‌സ് ചാനലുകളിലും ഹോട്ട്സ്റ്റാറിലും ലഭ്യമാകും. മുംബയിലേയും പൂനെയിലേയും നാല് വേദികളിലായാണ് പ്രാഥമികഘട്ട മത്സരങ്ങള്‍ നടക്കുക. 25 ശതമാനം കാണികള്‍ക്ക് പ്രവേശനം അനുവദിച്ചിട്ടുണ്ട്.

ലക്‌നൗ സൂപ്പര്‍ ജയിന്റ്‌സ്, ഗുജറാത്ത് ടൈറ്റന്‍സ് എന്നീ രണ്ട് ടീമുകള്‍ കൂടി ഈ സീസണില്‍ മാറ്റുരയ്ക്കാനിറങ്ങുന്നതോടെ ആകെ ടീമുകളുടെ എണ്ണം പത്തായി. അതിനാല്‍ പ്രാഥമിക ഘട്ടത്തില്‍ രണ്ട് ഗ്രൂപ്പുകളായി തിരിച്ചാണ് മത്സരം നടക്കുക.