വെടിക്കെട്ട് ഫിഫ്റ്റിയുമായി സഞ്ജു; സണ്റൈസേഴ്സ് ഹൈദരാബാദിന് 211 റണ്സ് വിജയലക്ഷ്യം
ഐപിഎല്ലില് സണ്റൈസേഴ്സ് ഹൈദരാബാദിനെതിരെ രാജസ്ഥാന് റോയല്സിന് കൂറ്റന് സ്കോര്. രാജസ്ഥാന് ജേഴ്സിയില് 100ആം മത്സരം കളിക്കുന്ന ക്യാപ്റ്റന് സഞ്ജു സാംസണിന്റെയും (27 പന്തില് 55) ദേവ്ദത്ത് പടിക്കലിന്റെയും (29 പന്തില് 41) തകര്പ്പന് ബാറ്റിംഗാണ് രാജസ്ഥാന് ഇന്നിങ്സില് നിര്ണായകമായത്.
കഴിഞ്ഞ സീസണില് ഏഴും എട്ടും സ്ഥാനങ്ങളില് ഫിനിഷ് ചെയ്ത ടീമുകളാണ് രാജസ്ഥാന് റോയല്സും ഹൈദരാബാദും. സീസണില് ജയത്തോടെ തുടങ്ങാനുറച്ചാണ് ഇരു കൂട്ടരും ഇറങ്ങുന്നത്.
പ്രസിദ്ധ് കൃഷ്ണ, ട്രെന്റ് ബോള്ട്ട് എന്നിവരാവും രാജസ്ഥാന്റെ പേസ് ആക്രമണത്തിന്റെ മുന. മധ്യഓവറുകളില് ഹൈദരാബാദിനെ പിടിച്ചുകെട്ടാന് അശ്വിനും ചഹലും. 15 മത്സരങ്ങളിലാണ് ഇതുവരെ ഇരു ടീമും നേര്ക്കുനേര് എത്തിയത്. എട്ട് തവണയും ഹൈദരാബാദ് ജയിച്ചപ്പോള് ഏഴ് തവണയാണ് രാജസ്ഥാന് ജയിക്കാനായത്.
രാജസ്ഥാന് റോയല്സ്: യശ്വസി ജയ്സ്വാള്, ജോസ് ബട്ലര്, ദേവ്ദത്ത് പടിക്കല്, സഞ്ജു സാംസണ്, ഷിംറോന് ഹെറ്റ്മെയര്, റിയാന് പരാഗ്, നതാന് കോള്ട്ടര് നെയ്ല്, ആര് അശ്വിന്, യുസ് വേന്ദ്ര ചഹാല്, ട്രന്റ് ബോള്ട്ട്, പ്രസിദ്ധ് കൃഷ്ണ.
സണ്റൈസേഴ്സ് ഹൈദരാബാദ്: അഭിഷേക് ശര്മ, രാഹുല് ത്രിപാഠി, കെയ്ന് വില്യംസന്, എയ്ഡന് മാര്ക്രം, നിക്കോളാസ് പുരാന്, അബ്ദുല് സമദ്, റൊമാരിയോ ഷിഫേര്ഡ്, വാഷിങ്ടണ് സുന്ദര്, ഭുവനേശ്വര് കുമാര്, ഉമ്രാന് മാലിക്ക്, ടി നടരാജന്
https://www.facebook.com/Malayalivartha
