നാണം കെട്ട തോല്‍വി...മെല്‍ബണ്‍ ആറാടിയ മത്സരത്തില്‍ തരിപ്പണമായി ബ്ലാസ്‌റ്റേഴ്‌സ്
തൃപ്തിയായി. ഫുട്ബോള് പ്രേമികള്‍ ആവേശത്തോടെ കാത്തിരിക്കുന്ന ലാ ലിഗ വേള്‍ഡ് ഫുട്ബോള് ടൂര്‍ണമെന്റില്‍ കേരള ബ്ലാസ്‌റ്റേഴ്‌സിന് തോല്‍വിയോടെ തുടക്കം. മെല്‍ബണ്‍ സിറ്റി എഫ്‌സിക്കെതിരെ കൊച്ചി ജവഹര്‍ലാല്‍ നെഹ്‌റു സ്‌റ്റേഡിയത്തില്‍ നടന്ന മത്സരത്തില്‍ മറുപടിയില്ലാത്ത ആറു ഗോളുകള്‍ക്കാണ് ബ്ലാസ്‌റ്റേഴ്‌സിന്റെ പരാജയം. ആദ്യ പകുതിയില്‍ രണ്ട് ഗോള്‍ നേടിയ മെല്‍ബണ്‍ സിറ്റി എഫ്‌സി രണ്ടാം പകുതിയില്‍ നാല് തവണ ബ്ലാസ്‌റ്റേഴ്‌സ് വല കുലുക്കി.
30ാം മിനിറ്റില്‍ ദാരിയോ വിദോസിചിന്റെ ഹെഡറിലൂടെ മെല്‍ബണ്‍ സിറ്റി എഫ്‌സി ആദ്യ ഗോള്‍ നേടി. അതിന്റെ ഞെട്ടലില്‍ നിന്ന് ബ്ലാസ്‌റ്റേഴ്‌സ് വിമുക്തരാകും മുമ്പേ മൂന്ന് മിനിറ്റുകള്‍ക്കപ്പുറം വീണ്ടും ബ്ലാസ്‌റ്റേഴ്‌സ് വല കുലുങ്ങി. റിലേ മക്ഗ്രിയുടെ കാലില്‍ നിന്ന് തൊടുത്ത ഷോട്ട് ലക്ഷ്യം തെറ്റാതെ ബ്ലാസ്‌റ്റേഴ്‌സ് വല കുലുക്കി. 56ാം മിനിറ്റില്‍ വീണ്ടും റിലേ മക്ഗ്രീയുടെ ഗോളിലൂടെ നാലാം ഗോള്‍ പിറന്നു. ചില ഒറ്റപ്പെട്ട മുന്നേറ്റങ്ങള്‍ ബ്ലാസ്‌റ്റേഴ്‌സ് നടത്തിയെങ്കിലും മെല്‍ബണ്‍ പ്രതിരോധം ഫലപ്രദമായി ഇടപെട്ടു കൊണ്ടിരുന്നു. 73ാം മിനിറ്റില്‍ ഒന്നിലധികം മെല്‍ബണ്‍ താരങ്ങളെ കബളിപ്പിച്ച് പെക്കൂസണ്‍ നല്‍കിയ പാസ്സ് പക്ഷേ, മുതലെടുക്കാന്‍ ബ്ലാസ്‌റ്റേഴ്‌സ് മുന്നേറ്റത്തിന് സാധിച്ചില്ല.
https://www.facebook.com/Malayalivartha
