മലയാളികളുടെ സ്വന്തം ഹ്യൂമേട്ടന് ഇനി എഫ്.സി പുണെക്ക് സ്വന്തം; ഒരുവര്ഷത്തേക്കാണ് കനേഡിയന് താരത്തെ പുണെ സ്വന്തമാക്കിയത്
മലയാളികളുടെ സ്വന്തം ഹ്യൂമേട്ടന് ഇനി മഞ്ഞ ജഴ്സിയിലുണ്ടാവില്ല. ഐ.എസ്.എല്ലിലെ ടോപ് സ്കോററായ കേരള ബ്ലാസ്റ്റേഴ്സിന്റെ ഇയാന് ഹ്യൂം പുതിയ സീസണില് എഫ്.സി പുണെ സിറ്റിക്കുവേണ്ടി പന്തുതട്ടും. ഒരുവര്ഷത്തേക്കാണ് കനേഡിയന് താരത്തെ പുണെ സ്വന്തമാക്കിയത്. അത്ലറ്റികോ ഡി കൊല്ക്കത്തയില്നിന്ന് കഴിഞ്ഞ സീസണില് കേരള ബ്ലാസ്റ്റേഴ്സിലേക്ക് തിരിച്ചെത്തിയ ഹ്യൂമിന് മുട്ടിനേറ്റ പരിക്ക് കാരണം ഫെബ്രുവരി മുതല് പുറത്തിരിക്കേണ്ടിവന്നിരുന്നു.
ഇംഗ്ലണ്ടില് സര്ജറിക്കു ശേഷമുള്ള വിശ്രമത്തിലാണ് താരം. ''ഈ സമയത്ത് വീണ്ടും ഐ.എസ്.എല്ലിലേക്ക് മടങ്ങാനുള്ള തീരുമാനം വലിയ വെല്ലുവിളിയാണെന്നറിയാം. എഫ്.സി പുണെക്കുവേണ്ടി നന്നായി കളിക്കാനാവുമെന്നാണ് പ്രതീക്ഷ. ക്ലബിന്റെ മെഡിക്കല് ടീമുമായി കാര്യങ്ങള് സംസാരിച്ചിരുന്നു. പൂര്ണ ഫിറ്റ്നസ് കൈവരിച്ച് തിരിച്ചെത്തും. ഐ.എസ്.എല്ലിലെ ഫേവറിറ്റുകളാണ് പുണെ'' കരാറിലെത്തിയതിനുശേഷം ഹ്യൂം സമൂഹമാധ്യമങ്ങളില് കുറിച്ചു.
https://www.facebook.com/Malayalivartha
