2022-ല്‍ ഖത്തറില്‍ വെച്ച് നടക്കുന്ന ഫിഫ ലോകകപ്പില്‍ പതിവ് പോലെ 32 ടീമുകള്‍ തന്നെയായിരിക്കും മത്സരിക്കുക എന്ന് ഫിഫ ഗവേണിംഗ് ബോഡി മീറ്റിംഗ് തീരുമാനമെടുത്തു. നേരത്തെ 48 ടീമുകളെ ഉള്‍ക്കൊള്ളിച്ച് കൊണ്ട് കുറച്ചു കൂടി വിപുലമായ ടൂര്‍ണ്ണമെന്റ് സംഘടിപ്പിക്കാം എന്നാണ് ഫിഫ ആലോചിച്ചിരുന്നത്. എന്നാല്‍ ആ തീരുമാനം തള്ളിക്കളയുകയായിരുന്നു. ജൂണ്‍ ആദ്യ ആഴ്ചയോടെ ആയിരിക്കും ഇത് സംബന്ധിച്ച തീരുമാനം എടുക്കുകയുള്ളു എന്ന് കരുതിയിരുന്നെങ്കിലും നേരത്തെ തന്നെ ഇക്കാര്യത്തില്‍ വ്യക്തത വരുത്തുകയായിരുന്നു എന്ന് ഫിഫ പ്രസിഡന്റ് ജിയാനി ഇന്‍ഫന്റിനോ പറഞ്ഞു.

2026-ല്‍ യു.എസ്.എ ,കാനഡ,മെക്‌സിക്കോ എന്നീ രാജ്യങ്ങള്‍ സംയുക്തമായി ആതിഥേയത്വം വഹിക്കുന്ന ലോകകപ്പില്‍ 48 ടീമുകളെ പങ്കെടുപ്പിക്കാന്‍ തീരുമാനമായേക്കാം എന്നും ഗവേണിംഗ് ബോഡി അറിയിച്ചു. നിലവില്‍ ഫ്രാന്‍സ് ആണ് ലോകകപ്പ് ജേതാക്കള്‍.