തനിക്ക് എതിരെ ബലാത്സംഗ ആരോപണം ഉന്നയിച്ച യുവതിയുടെ സ്വകാര്യ ദൃശ്യങ്ങള്‍ പുറത്തുവിട്ട ഫുട്ബോള്‍ താരം നെയ്മര്‍ കുരുക്കില്‍
ബ്രസീലിയന്‍ ഫുട്ബോള്‍ താരം നെയ്മറിനെതിരെ പോലീസ് അന്വേഷണം. തനിക്കെതിരെ ബലാത്സംഗ ആരോപണം ഉന്നയിച്ച യുവതിയുടെ സ്വകാര്യ ദൃശ്യങ്ങള്‍ പുറത്തുവിട്ടതിനാണ് അന്വേഷണം. ബ്രസീലില്‍ ഒന്ന് മുതല്‍ അഞ്ച് വര്‍ഷം വരെ തടവ് ലഭിക്കാവുന്ന കുറ്റമാണിത്.
നെയ്മര്‍ തന്റെ ഫേസ്ബുക്ക് പേജിലൂടെയാണ് തനിക്കെതിരെ ബലാത്സംഗ ആരോപണം ഉന്നയിച്ച യുവതിയുമായി നടത്തിയ ചാറ്റുകളും സ്വകാര്യ ചിത്രങ്ങളും പുറത്തുവിട്ടത്. വീഡിയോകളും ഇതിലുള്‍പ്പെടുന്നു.
നാല് ചുമരുകള്‍ക്കുള്ളില്‍ ഒരു സ്ത്രീയും പുരുഷനും തമ്മില്‍ നടക്കുന്നതെന്താണോ അത് മാത്രമേ അന്നും നടന്നിട്ടുള്ളുവെന്നും കാമുകനും കാമുകിക്കും ഇടയില്‍ നടക്കുന്നതാണ് അതെന്നുമായിരുന്നു നെയ്മര്‍ പറയുന്നത്. താന്‍ കെണിയില്‍ വീണു പോവുകയായിരുന്നുവെന്നും നെയ്മര്‍ വ്യക്തമാക്കി.
ബ്രസീലിയന്‍ ഫുട്ബോള്‍ താരം നെയ്മര്‍ പാരിസിലെ ഹോട്ടലില്‍ വെച്ച് ബലാത്സംഗം ചെയ്തതായാണ് യുവതി പരാതി നല്‍കിയത്.
https://www.facebook.com/Malayalivartha
