'ഡാനി റോസ് നിങ്ങള്‍ക്ക് നന്ദി': ടോട്ടന്‍ഹാമിന്റെ നിറ സാന്നിദ്ധ്യം ഡാനി റോസ് ക്ലബ് വിട്ടു
ടോട്ടന്‍ഹാമിന്റെ ഫുള്‍ബാക്കായ ഡാനി റോസിന് നന്ദി അറിയിച്ച്‌ ക്ലബ് അധികൃതര്‍. ഡാനി ഈ സീസണ്‍ അവസാനിച്ചതോടെ ടോട്ടന്‍ഹാം വിട്ടിരുന്നു. ക്ലബുമായുള്ള കരാര്‍ അവസാനിച്ചതോടെയാണ് ഡാനി റോസ് ടോട്ടന്‍ഹാം വിട്ടത്. 30കാരനായ താരം 2007 മുതല്‍ ടോട്ടന്‍ഹാം ക്ലബിലുണ്ട്. എന്നാല്‍ അവസാന രണ്ടു സീസണുകളിലായി ക്ലബില്‍ അധികം അവസരങ്ങള്‍ ലഭിച്ചിരുന്നില്ല. ഒടുവില്‍ ലോണില്‍ പോകേണ്ടതായ സാഹചര്യവുമുണ്ടായി.
ഇരുന്നൂറോളം മത്സരങ്ങള്‍ ഡാനി റോസ് ടോട്ടന്‍ഹാമിനായി കളിച്ചു. ചാമ്പ്യന്‍സ്‌ ലീഗ് ഫൈനലില്‍ ഉള്‍പ്പെടെ ടീമില്‍ നിറ സാന്നിദ്ധ്യമായിരുന്നു ഡാനി റോസ്. അതേസമയം ടോട്ടന്‍ഹാമിന്റെ ഗോള്‍ കീപ്പര്‍ ഗസ്സനിഗയും ക്ലബ് വിട്ടു. ഇംഗ്ലണ്ട് കീപ്പര്‍ ജോ ഹാര്‍ട്ടിന്റെ വരവോടുകൂടി ടീമില്‍ അവസരം ലഭിക്കാതെ വന്നതോടെയാണ് താരം ക്ലബ് വിടാന്‍ തീരുമാനിച്ചത്. ടോട്ടന്‍ഹാമിനായി 37 മത്സരങ്ങള്‍ ഗസ്സനിഗ കളിച്ചിട്ടുണ്ട്.
അതേസമയം, നേരത്തെ ക്ലബ് വിട്ട ഹാരി കെയ്ന്‍ ടോട്ടന്‍ഹാമുമായി പുതിയ കരാര്‍ ചര്‍ച്ചയ്ക്കില്ലെന്ന നിലപാടിലാണ്. കെയ്നിന് വേതനം കൂട്ടി നല്‍കികൊണ്ട് ക്ലബില്‍ നില നിര്‍ത്താനുള്ള തീരുമാനത്തിലായിരുന്നു ടോട്ടന്‍ഹാം ഉടമകള്‍. എന്നാല്‍ ക്ലബുമായി ഒരു കരാര്‍ ചര്‍ച്ചയ്ക്കും ഇല്ലെന്നും ഇനി ക്ലബില്‍ തുടരില്ലെന്നും ഹാരി കെയ്ന്‍ വ്യക്തമാക്കി. താരത്തിന് ഇനിയും ടോട്ടന്‍ഹാമില്‍ രണ്ടു വര്‍ഷത്തിലേറെ കരാര്‍ ബാക്കിയുണ്ട്.
https://www.facebook.com/Malayalivartha
