പി എസ് ജിയില്‍ പുതിയ കരാര്‍ എംബാപ്പെ ഒപ്പുവെക്കില്ല, 2022ല്‍ ക്ലബ് വിടാന്‍ തീരുമാനം!! റയല്‍ മാഡ്രിഡിലേക്ക് പോകാന്‍ ആഗ്രഹം
ഫ്രഞ്ച് സൂപ്പര്‍ താരം എംബാപ്പെ പി എസ് ജി വിടാന്‍ ഒരുങ്ങുന്നതായി റിപ്പോര്‍ട്ടുകള്‍. താരം ക്ലബില്‍ പുതിയ കരാര്‍ ഒപ്പുവെക്കില്ല എന്ന് മാനേജ്മെന്റിനെ അറിയിച്ചതായി ഫ്രഞ്ച് മാധ്യമങ്ങള്‍ റിപ്പോര്‍ട്ട് ചെയ്യുന്നു. തന്റെ വെക്കേഷനായി പോകും മുമ്പാണ് താരം ക്ലബിനോട് പുതിയ കരാര്‍ ഒപ്പുവെക്കില്ല എന്ന് പറഞ്ഞത്. 2022വരെയുള്ള കരാറാണ് എംബാപ്പെക്ക് പി എസ് ജിയില്‍ ഉള്ളത്.
2022വരെ പി എസ് ജിയില്‍ നിന്ന് കരാര്‍ അവസാനം ക്ലബ് വിടാന്‍ ആണ് എംബാപ്പെ ആഗ്രഹിക്കുന്നത്. താരം ഇത് തന്റെ സഹതാരങ്ങളോട് പറഞ്ഞതായും ഫ്രഞ്ച് മാധ്യമങ്ങള്‍ പറയുന്നു.
റയല്‍ മാഡ്രിഡിലേക്ക് പോകാന്‍ ആണ് എംബാപ്പെ ആഗ്രഹിക്കുന്നത്. എംബാപ്പെയെ വില്‍ക്കാനുള്ള യാതൊരു ഉദ്ദേശവും പി എസ് ജിക്ക് ഇപ്പോള്‍ ഇല്ല. മൊണാക്കോയില്‍ നിന്ന് എത്തിയത് മുതല്‍ പി എസ് ജിയിലെ ഏറ്റവും പ്രധാനപ്പെട്ട താരമാണ് എംബാപ്പെ. എന്നാല്‍ ചാമ്ബ്യന്‍സ് ലീഗ് പോലുള്ള വലിയ കിരീടങ്ങള്‍ നേടാന്‍ പി എസ് ജി വിടണം എന്നാണ് താരത്തിന്റെ നിലപാട്.
https://www.facebook.com/Malayalivartha
