'ഇവിടെ എനിക്ക് വീണ്ടും ചാമ്പ്യന്സ് ലീഗ് ജയിക്കണം'; പാരിസിന്റെ സ്നേഹത്തെ പ്രകീര്ത്തിച്ച് മെസ്സി
ഇക്കാലമത്രയും കരിയറില് പന്തുതട്ടിയ ബാഴ്സലോണയില്നിന്ന് ലോകം ഉറ്റുനോക്കിയ കൂടുമാറ്റത്തിലൂടെ പാര്ക് ഡി പ്രിന്സസില് അവതരിച്ചതിനു പിന്നാലെ പാരിസിന്റെ സ്നേഹത്തെ പ്രകീര്ത്തിച്ച് ലയണല് മെസ്സി. പി.എസ്.ജിയില് തനിക്ക് ലഭിച്ച വരവേല്പ് അതിശയകരവും അത്രമേല് ആഹ്ലാദദായകവുമായിരുന്നെന്ന് ലോക ഫുട്ബാളിലെ മിന്നും താരം വാര്ത്തസമ്മേളനത്തില് പറഞ്ഞു.
'ഇവിടെ ലഭിച്ച സ്വീകരണം അതിശയിപ്പിക്കുന്നതായിരുന്നു. വളരെയേറെ സന്തോഷവാനാണ് ഞാന്. എന്റെ ടീമംഗങ്ങള്ക്കൊപ്പം ചേരാന് തിടുക്കമാവുന്നു. എത്രയും പെട്ടെന്ന് കളി പുരരാംഭിക്കാനാവുമെന്നാണ് ഞാന് കരുതുന്നത്. അവിശ്വസനീയ ടീമാണിത്. മികച്ച താരങ്ങള്ക്കൊപ്പമാണ് ഞാന് ഇവിടെ കളിക്കാന് ഇറങ്ങുന്നത്. അവര്ക്കൊപ്പം പരിശീലിക്കാനും കളിക്കാനുമൊക്കെ ഞാന് ഏറെ ആഗ്രഹിക്കുന്നു. മഹത്തായ അനുഭവമായിരിക്കും അത്.
https://www.facebook.com/Malayalivartha