ക്രിസ്റ്റ്യാനോ റൊണാള്‍ഡോ യുവന്റസ് വിടുമെന്ന അഭ്യൂഹങ്ങള്‍ അവസാനിപ്പിച്ച്‌ യുവന്റസ് പരിശീലകന്‍ അലെഗ്രി. താന്‍ റൊണാള്‍ഡോ ക്ലബ് വിടുമെന്ന അഭ്യൂഹങ്ങള്‍ ഒക്കെ കേള്‍ക്കാറുണ്ട്. എന്നാല്‍ ആ വാര്‍ത്തകള്‍ ഒന്നും ശരിയല്ല എന്ന് അലെഗ്രി പറഞ്ഞു. റൊണാള്‍ഡോ ഈ സീസണില്‍ യുവന്റസില്‍ തന്നെ തുടരും എന്ന് അലെഗ്രി പറഞ്ഞു. റൊണാള്‍ഡോ ഒരിക്കല്‍ പോലും ക്ലബ് വിടാന്‍ ആവശ്യപ്പെട്ടിട്ടില്ല എന്നും അലെഗ്രി പറഞ്ഞു.

റൊണാള്‍ഡോ മികച്ച രീതിയില്‍ പരിശീലനം നടത്തുന്നുണ്ട് എന്നും സീസണ് അദ്ദേഹം തയ്യാറാണ് എന്നും അലെഗ്രി പറഞ്ഞു. നാളെ സീരി എ യിലെ ആദ്യ മത്സരത്തിന് തയ്യാറാവുകയാണ് അലെഗ്രിയും യുവന്റസും. നേരത്തെ റൊണാള്‍ഡോയും താന്‍ ക്ലബ് വിടുമെന്ന അഭ്യൂഹങ്ങള്‍ നിരസിച്ച്‌ രംഗത്ത് എത്തിയിരുന്നു. റൊണാള്‍ഡോ റയല്‍ മാഡ്രിഡിലേക്ക് പോകും എന്നും പി എസ് ജിയിലേക്ക് പോകും എന്നുമായിരുന്നു അഭ്യൂഹങ്ങള്‍.