ക്രിസ്റ്റ്യാനോ റൊണാള്ഡോയ്ക്ക് സ്വപ്നതുല്യമായ അരങ്ങേറ്റം.... റൊണാള്ഡോയുടെ ഇരട്ട ഗോള് മികവില് യുണൈറ്റഡ് 4-1ന് ന്യൂകാസില് യുണൈറ്റഡിനെ തകര്ത്തു
ക്രിസ്റ്റ്യാനോ റൊണാള്ഡോയ്ക്ക് സ്വപ്നതുല്യമായ അരങ്ങേറ്റം. മാഞ്ചസ്റ്റര് യുണൈറ്റഡ് ജഴ്സിയില് ക്രിസ്റ്റ്യാനോ റൊണാള്ഡോയ്ക്ക് സ്വപ്നതുല്യമായ അരങ്ങേറ്റം. റൊണാള്ഡോയുടെ ഇരട്ട ഗോള് മികവില് യുണൈറ്റഡ് 41ന് ന്യൂകാസില് യുണൈറ്റഡിനെ തകര്ത്തു.
ഇഷ്ടതാരത്തിന്റെ അരങ്ങേറ്റം കാണാനെത്തിയ ആരാധകരെ ഒലെ ഗുണ്ണര് സോള്ക്ഷേര് നിരാശപ്പെടുത്തിയില്ല: ഒരു വ്യാഴവട്ടക്കാലത്തിന് ശേഷം പഴയ കളിത്തട്ടില് ആദ്യ പകുതിയില് തന്നെ റോണോ യുടെ റീ റിലീസ്.
അധികം വൈകാതെ ഓള്ഡ് ട്രാഫോര്ഡിനെ ആവേശ തിമിര്പ്പിലാക്കി റോണോയുടെ ഗോളെത്തി.രണ്ടാം പകുതിയുടെ തുടക്കത്തില് മക്വിലോയുടെ ഗോളില് ന്യൂകാസില് ഒപ്പമെത്തിയെങ്കിലും 62 ആം മിനുട്ടില് തകര്പ്പന് ഗോളിലൂടെ റോണോ യുണൈറ്റഡിനെ മുന്നിലെത്തിച്ചു.
എണ്പതാം മിനുട്ടില് ലോങ്ങ് റേഞ്ചറിലൂടെ ബ്രൂണോ ഫെര്ണാണ്ടസും ഇഞ്ചുറി ടൈമില് ലിങ്കാര്ഡും സ്കോര് ചെയ്തപ്പോള് ന്യൂകാസില് യുണൈറ്റഡിനെതിരെ 41ന്ടെ തകര്പ്പന് വിജയം മാഞ്ചസ്റ്റര് യുണൈറ്റഡിന് സ്വന്തം.
പ്രിയ ഗുരുനാഥന് അലക്സ് ഫെര്ഗൂസനെയും പരിശീലകന് സോള്ക്ഷേറേയും സാക്ഷിയാക്കി ഓള്ഡ് ട്രാഫോര്ഡില് റോണോയ്ക്ക് സ്വപ്നതുല്യമായ അരങ്ങേറ്റം.
"
https://www.facebook.com/Malayalivartha
