ലോക ഫുട്‌ബോളര്‍ പുരസ്‌കാരം മെസിക്ക്?
കഴിഞ്ഞ വര്‍ഷത്തെ ലോക ഫുട്‌ബോളര്‍ പുരസ്‌കാരം ലയണല്‍ മെസിക്കെന്ന് സൂചന. ഈ മാസം 11ന് സൂറിച്ചിലാണ് ലോക ഫുട്‌ബോളറെ പ്രഖ്യാപിക്കുക. ഫിഫ വെബ്‌സൈറ്റില്‍ പോസ്റ്റ് ചെയ്ത റിപ്പോര്‍ട്ടിന്റെ അടിസ്ഥാനത്തില്‍ ഇത്തവണ ജേതാവ് മെസിയാണെന്ന് ഡച്ച് മാധ്യമ പ്രവര്‍ത്തകനായ മൈക്കല്‍ അബിങ്ക് ട്വീറ്റ് ചെയ്തു. ബാഴ്‌സലോണയെ കഴിഞ്ഞ സീസണില്‍ അഞ്ച് കിരീടങ്ങളിലേക്ക് നയിച്ച പ്രകടന മികവാണ് മെസിക്ക് പുരസ്‌കാരം നേടിക്കൊടുത്തതെന്നും മൈക്കല്‍ പറയുന്നു.
ഫിഫ വെബ്‌സൈറ്റിലെ സ്‌ക്രീന്‍ ഷോട്ട് സഹിതമാണ് മൈക്കല്‍ ട്വീറ്റ് ചെയ്തത്. അതേസമയം രണ്ടാം സ്ഥാനത്ത് ഏത് താരമാണെന്ന് വ്യക്തമല്ല. നിലവിലെ ജേതാവായ റൊണാള്‍ഡോ, ബാഴ്‌സയില്‍ മെസിയുടെ സഹതാരമായ നെയ്മര്‍ എന്നിവരാണ് പട്ടികയിലുള്ള മറ്റ് താരങ്ങള്‍. എന്നാല്‍ മൈക്കലിന്റെ ട്വീറ്റ് വൈറലായതോടെ വിശദീകരണവുമായി ഫിഫ രംഗത്തു വന്നു. പ്രചരിക്കുന്ന ട്വീറ്റുകള്‍ അടിസ്ഥാനരഹിതമാണെന്ന് ഫിഫ ട്വീറ്റ് ചെയ്തു. ഫിഫ വെബ്‌സൈറ്റില്‍ പ്രത്യക്ഷപ്പെട്ട വാര്‍ത്ത സാങ്കേതിക പിഴവാണെന്നും ഫിഫ വിശദീകരിക്കുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
