ലോകകപ്പ് ഫുട്‌ബോളില്‍ തകര്‍പ്പന്‍ ജയത്തോടെ ബ്രസീല്‍
ലോകകപ്പ് ഫുട്‌ബോളില്‍ തകര്‍പ്പന്‍ വിജയത്തോടെ ബ്രസീല്‍ തങ്ങളുടെ തനിനിറംകാട്ടി കാമറൂണിനെ 4-1 ന്‌ തോല്‍പ്പിച്ചു. ഇരട്ടഗോളുകളോടെ തിളങ്ങിയ നെയ്‌മറായിരുന്നു കാമറൂണുമായുള്ള മത്സരത്തില്‍ ബ്രസീലിന്റെ ഹീറോ. ലോകകപ്പില്‍ ബ്രസീലിന്റെ നൂറാം മത്സരത്തില്‍, നെയ്‌മര്‍ ഈ ലോകകപ്പിലെ സെഞ്ചുറി കുറിച്ചു. ആദ്യ പകുതിയിലായിരുന്നു നെയ്‌മറിന്റെ ഗോളുകളും. ആദ്യ ഗ്രൂപ്പ്‌ മത്സരങ്ങളില്‍ തന്നെ ഗ്രൂപ്പിലെ പിന്‍പന്തിയിലായ കാമറൂണിനെ 4-1 ന്‌ തകര്‍ത്ത ബ്രസീല്‍ ഒരു ടീമെന്ന നിലയില്‍ മികച്ച ഫോമിലേക്കുയരുന്ന കാഴ്‌ചയാണ്‌ ബ്രസീല്‍ കണ്ടത്.
പതിനേഴാം മിനിറ്റില്‍ ഗസ്‌താവോ നല്‍കിയ ക്രോസില്‍ നിന്നായിരുന്നു നെയ്‌മറുടെ ആദ്യഗോള്‍. ഒന്‍പതു മിനിറ്റിനകം കാമറൂണിന്റെ ജോയല്‍ മാറ്റിപ്‌ സമനില ഗോള്‍ നേടി. മുപ്പത്തിയഞ്ചാം മിനിറ്റില്‍ നെയ്‌മറിലൂടെ ബ്രസീല്‍ വീണ്ടും മുന്നിലായി. ഇത്തവണത്തെ ലോകകപ്പില്‍ ഇതോടെ നാലു ഗോള്‍ നേടിയ നെയ്‌മര്‍ സുവര്‍ണപാദുക സാധ്യതാ പട്ടികയില്‍ ഒന്നാമതെത്തി. രണ്ടാം പകുതിയില്‍ ഫ്രെഡിന്റെ ഹെഡ്ഡറിലൂടെ ബ്രസീല്‍ ലീഡ്‌ ഉയര്‍ത്തി. സബ്‌സ്റ്റിറ്റിയൂട്ടായി ഇറങ്ങിയ ഫെര്‍ണാണ്ടിനോയും ഗോളടിച്ചതോടെ കാമറൂണ്‍ 4-1 എന്ന നിലയിലായി. ഏഴു പോയിന്റോടെ ആതിഥേയന്‍ ഗ്രൂപ്പ്‌ ജേതാക്കളുമായി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
