ലോകകപ്പിനിടെ നട്ടെല്ലിന് പരിക്കേറ്റ് പുറത്തായ ബ്രസീല്‍ സൂപ്പര്‍താരം നെയ്മര്‍ സ്പാനിഷ് ക്ലൂബ്ബ് ബാഴ്‌സലോണയ്ക്കുവേണ്ടി വീണ്ടും കളത്തിലിറങ്ങാനൊരുങ്ങുന്നു. ആഗസ്ത് 18-ന് നടക്കുന്ന ക്ലബ്ബിന്റെ സൗഹൃദമത്സരത്തിലാണ് ബ്രസീല്‍ സ്‌ട്രൈക്കറുടെ തിരിച്ചുവരവ്. മെക്‌സിക്കന്‍ക്ലബ്ബ് ലിയോണുമായാണ് നൗകാമ്പില്‍ ബാഴ്‌സലോണയുടെ സൗഹൃദമത്സരം. ഒരാഴ്ചയ്ക്കുശേഷം ആരംഭിക്കുന്ന ലാലിഗ പോരാട്ടത്തില്‍ എല്‍ച്ചെയുമായാണ് ബാഴ്‌സയുടെ ആദ്യമത്സരം.
\'എന്റെ പരിക്ക് കുറേശ്ശെ ഭേദമായിവരുന്നു. 100 ശതമാനവും ഭേദമാവുന്നതോടെ ഞാന്‍ ബാഴ്‌സയിലെത്തും\'-ജപ്പാനില്‍ നടന്ന ചടങ്ങിനിടെ നെയ്മര്‍ പറഞ്ഞു. ആഗസ്ത് അഞ്ചിന് താരം ബാഴ്‌സലോണയില്‍ തിരിച്ചെത്തുമെന്നാണ് പ്രതീക്ഷിക്കുന്നത്.