ശ്രീശാന്ത് ഇനി പുതിയൊരു രൂപത്തിലായിരിക്കും നിങ്ങളുടെ മുന്നിലെത്തുക. മാറ്റം ആരാ ആഗ്രഹിക്കാത്തത്. ശ്രീശാന്തും അത് പോലം മാറ്റം ആഗ്രഹിച്ചു അത്രതന്നെ. കേരളത്തില്‍ സിക്‌സ്് പാക്കുള്ള നിരവധി ആണ്‍കുട്ടികളുണ്ടല്ലോ. അതില്‍ ഇനി ശ്രീശാന്ത് കൂടി ഉണ്ടാകും. ക്രിക്കറ്റ് ലോകത്ത് നിന്ന് സിനിമയിലേക്ക് പുതിയൊരു ഇന്നിങ്‌സിലേക്ക് ചുവടുവെക്കുന്ന ശ്രീശാന്തിന്റെ പുതിയൊരു ഗെറ്റപ്പിനെ കായിക ലോകം അതിശയത്തോടെയാണ് കാണുന്നത്. ക്രിക്കറ്റ് കേന്ദ്ര വിഷയമാക്കി പുരി ജഗന്നാഥ് ഒരുക്കുന്ന തെലുങ്ക് സിനിമ, ഒരു ബോളിവുഡ് ചിത്രം എന്നിവയാണ് ശ്രീശാന്തിന്റെ പുതിയ പ്രോജക്റ്റുകള്‍.
വിവാദങ്ങള്‍ക്കിടയിലും ശ്രീശാന്തിന് ശരീരം സിക്‌സ് പാക്ക് ആക്കി എടുക്കാന്‍ സമയമുണ്ടായി കാണും. ഒത്തുകളി വിവാദത്തില്‍പ്പെട്ട് ഏറെനാള്‍ അകന്നുനിന്ന ശ്രീശാന്തിന് ഇപ്പോള്‍ പുതിയൊരു മാറ്റത്തിന്റെ പാതയിലാണ്. സിനിമയില്‍ ശ്രീശാന്ത് സജീവമാകുമെന്നാണ് ഇപ്പോള്‍ അറിയാന്‍ സാധിക്കുന്നത്. അഭിനയം മാത്രമല്ല, അന്‍പുളള അഴകാ എന്ന തമിഴ് ചിത്രത്തിന് വേണ്ടി സംഗീത സംവിധായകനായും ശ്രീ പ്രവര്‍ത്തിക്കുന്നുണ്ട്. ആറ് പാട്ടുകളാണ് സിനിമയില്‍ ഉള്ളത്. ഈ പാട്ടുകള്‍ ചിട്ടപ്പെടുത്തിക്കഴിഞ്ഞതായും ശ്രീശാന്ത് പറയുന്നു. ശ്രീശാന്തിന്റെ ജീവിതത്തിലെ മാറ്റങ്ങളില്‍ ഒന്നാണ് സംവിധാനവും.

ഇനി ഏത് മേഖലയില്‍ ശ്രീ തന്റെ മിടുക്ക് കാണിക്കും എന്നത് കാത്തിരുന്നു തന്നെ കാണണം. ഇതിന് മുമ്പ് ഝലക് ദിഖ്‌ലാ ജാ പോലുള്ള റിയാലിറ്റി ഷോകളിലും ടി വി പരിപാടികളിലും ശ്രീശാന്ത് പ്രത്യക്ഷപ്പെട്ടിരുന്നു. ക്രിക്കറ്റ് പോലെ തന്നെ ശ്രീയ്ക്ക് താത്പര്യമുള്ള മേഖലയാണ് ഡാന്‍സും അഭിനയവും. സിനിമയില്‍ തിളങ്ങി നില്‍ക്കണമെന്നാണ് ശ്രീയുടെ അതിയായ ആഗ്രഹം. എതായാലും ശ്രീയുടെ ഈ മാറ്റം നല്ലതിന് ആകുമെന്ന് മലയാളികള്‍ക്ക് പ്രതീക്ഷിക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha