ഇന്ത്യന്‍ ഓള്‍റൗണ്ടര്‍ രവീന്ദ്ര ജഡേജയുടെ വിവാഹ നിശ്ചയം കഴിഞ്ഞു. രാജ്‌കോട്ട് കാരിയായ മെക്കാനിക്കല്‍ എഞ്ചിനീയര്‍ റീവ സൊലങ്കിയാണ് പ്രതിശ്രുത വധു. ഇന്നലെ ജഡേജയുടെ റെസ്‌റ്റൊറന്റില്‍ വച്ചായിരുന്നു വിവാഹ നിശ്ചയ ചടങ്ങുകള്‍.
ഈ വര്‍ഷം നടക്കുന്ന ട്വന്റി20 ലോകകപ്പ് ക്രിക്കറ്റിലും ഏഷ്യ കപ്പിലും ഇന്ത്യന്‍ ടീമിന്റെ ഭാഗമാണ് ജഡേജ. ആത്മീയ കോളേജില്‍ നിന്നാണ് റീവ എഞ്ചിനീയറിംഗ് ബിരുദം നേടിയത്. ഇപ്പോള്‍ യു.പി.എസ്.സി പരീക്ഷയ്ക്കായുള്ള തയ്യാറെടുപ്പിലാണ് റീവ.
നേരത്തെ തിങ്കളാഴ്ച ഇന്ത്യന്‍ പേസര്‍ വരുണ്‍ ആരോണും തന്റെ ജീവിതത്തില്‍ പുതിയൊരു ഇന്നിംഗ്‌സിന് തുടക്കമിട്ടിരുന്നു. ബാല്യകാല സുഹൃത്തായ രാഗിണിയെ താരം കോടതിയില്‍ വച്ച് വിവാഹം ചെയ്തു.
കഴിഞ്ഞ വര്‍ഷം ഇന്ത്യന്‍ താരങ്ങളായ ഹര്‍ഭജന്‍ സിംഗ്, അജിങ്ക്യ രഹാനെ, ആര്‍ അശ്വിന്‍, ദനേശ് കാര്‍ത്തിക്, രോഹിത് ശര്‍മ എന്നിവര്‍ വിവാഹിതരായിരുന്നു. യുവരാജും ഹസല്‍ കീച്ചുമായുള്ള വിവാഹ നിശ്ചയവും കഴിഞ്ഞ വര്‍ഷം നടന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha