ലോക ഉത്തേജക വിരുദ്ധ ഏജന്‍സി നിരോധിച്ച മരുന്നുകളുടെ പട്ടിക പുതുക്കിയത് ടെന്നിസ് താരം മരിയ ഷറപ്പോവയ്ക്ക് വിനയായി.

ഓസ്‌ട്രേലിയന്‍ ഓപ്പണില്‍ പങ്കെടുക്കുന്നതിനായി നടത്തിയ പരിശോധനയില്‍ ഷറപ്പോവ ഉത്തേജക മരുന്ന് ഉപയോഗിച്ചതായി കണ്ടെത്തി. ഷറപ്പോവ തന്നെയാണ് ലൊസാഞ്ചല്‍സില്‍ വിളിച്ചുകൂട്ടിയ വാര്‍ത്താ സമ്മേളനത്തില്‍ ഇക്കാര്യം വെളിപ്പെടുത്തിയത്.

2006 മുതല്‍ ഷറപ്പോവ ഉപയോഗിച്ച് വന്നിരുന്നതാണ് മെല്‍ഡോനിയമെന്ന മരുന്ന്. എന്നാല്‍ അടുത്തിടെ നിരോധിക്കപ്പെട്ടവയുടെ പട്ടികയില്‍ അതിനേയും ചേര്‍ത്തതാണ് പ്രശ്‌നമായതെന്ന് ഷറപ്പോവ പറഞ്ഞു.

മരുന്ന് കഴിക്കുന്നതിന് മുന്‍പ് പുതുക്കിയ പട്ടിക വായിച്ചുനോക്കിയിരുന്നില്ലെന്നും പരിശോധനയില്‍ പരാജയപ്പെട്ടതിന്റെ പൂര്‍ണ ഉത്തരവാദിത്തം ഏറ്റെടുക്കുന്നെന്നും ഷറപ്പോവ പറഞ്ഞു.

വാര്‍ത്ത സ്ഥിരീകരിച്ച രാജ്യാന്തര ടെന്നിസ് ഫെഡറേഷന്‍ മാര്‍ച്ച് 12 മുതല്‍ ഷറപ്പോവയെ തല്‍ക്കാലത്തേക്ക് സസ്‌പെന്‍ഡ് ചെയ്യുകയാണെന്ന് അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha