എന്റെ മനസ്സില്‍ ഒട്ടും കളങ്കമില്ല. ഞാന്‍ ക്രിക്കറ്റ് കളിച്ചത് രാജ്യത്തിനു വേണ്ടിയാണ്. ഇന്ത്യക്ക് വേണ്ടി രണ്ട് ലോകകപ്പ് ജയിച്ച ടീമില്‍ ഞാനുണ്ടായിരുന്നു. ഒരിക്കലും രാജ്യത്തെയോ ക്രിക്കറ്റിനെ തന്നെയോ ഞാന്‍ വഞ്ചിച്ചിട്ടില്ല. എന്നിട്ടും ചിലരെല്ലാം ചേര്‍ന്ന് എന്നെ വഞ്ചകനായി ചിത്രീകരിച്ചു. അത് തെറ്റാണെന്ന് കോടതിയില്‍ തെളിയിച്ചിട്ടും അവരെന്നെ വേട്ടയാടുന്നു. എന്റെ നിരപരാധിത്വം തെളിയിക്കാന്‍ കിട്ടുന്ന ഏതവസരവും ഞാന്‍ വിനിയോഗിക്കും. ക്രിക്കറ്റ് കളിക്കാനായില്ലെങ്കിലും രാജ്യത്തിനും ജനങ്ങള്‍ക്കും വേണ്ടി ചെയ്യാനാവുന്നതെല്ലാം ഞാന്‍ ചെയ്യും. ഇപ്പോള്‍ നിയമസഭാ തിരഞ്ഞെടുപ്പില്‍ മല്‍സരക്കാനുള്ള ക്ഷണം സ്വീകരിക്കുന്നത് അതുകൊണ്ടു തന്നെയാണ്. 39 നിയമസാഭാ തിരഞ്ഞെടുിപ്പില്‍ ബി ജെ പി സ്ഥാനാര്‍ത്ഥിയാവാനുള്ള നീക്കത്തെ കുറിച്ച് ചോദിച്ചപ്പോള്‍ ശ്രീശാന്ത് മനസ്സ്തുറക്കുന്നു.
ഐ പി എല്‍ മല്‍സരത്തില്‍ ഒത്തു കളിച്ചുവെന്നായിരുന്നു എനിക്കെതിരായ ആരോപണം. കോടതി ആ ആരോപണങ്ങള്‍ എല്ലാം തള്ളിയതാണ്. പക്ഷെ നിരപരാധിത്വം തെളിയിച്ച് മാസങ്ങള്‍ കഴിഞ്ഞിട്ടും എനിക്കെതിരായ വിലക്ക് പിന്‍വലിക്കപ്പെട്ടില്ല. ഇനിയൊരിക്കലും എന്നെ ക്രിക്കറ്റ് കളിപ്പിക്കില്ലെന്ന ചിലര്‍ക്ക് വാശിയുള്ളത് പോലെ. രാജ്യത്തിന് വേണ്ടി കളിക്കുമ്പോള്‍ കോഴ വാങ്ങിയെന്ന് ആരോപണ വിധേയരായവര്‍ പോലും പിന്നീട് ടീമില്‍ തിരിച്ചെത്തി. അവര്‍ ഒരു തടസ്സവുമില്ലാതെ ടീമിനു വേണ്ടി കളിക്കുന്നു. ഞാന്‍ വഞ്ചകനല്ലെന്ന് എന്റെ നാട്ടുകാര്‍ക്കറിയാം. ഇനി ഞാനവരുടെ മുന്നിലേക്ക് പോവുകയാണ്.
രാജ്യത്തിനും ജനങ്ങള്‍ക്കും വേണ്ടി നന്മകള്‍ ചെയ്യുന്നതിനു വേണ്ടിയാണ് രാഷ്ട്രീയം. അതിനുള്ള മനസ്സുണ്ടായാല്‍ മതി ഒരുപാട് കാര്യങ്ങള്‍ ചെയ്യാന്‍ പറ്റും. ശ്രീശാന്ത് പറഞ്ഞു. 27 ടെസ്റ്റിലും 53 ഏകദിന മല്‍സരങ്ങളിലും ഇന്ത്യക്ക് വേണ്ടി കളിച്ച് ശ്രീശാന്ത് 2007ല്‍ ടി20 ലോകകപ്പും 2011ല്‍ ഏകദിന ലോകകപ്പും ജയിച്ച ഇന്ത്യന് ടീമില്‍ അംഗമായിരുന്നു. 2013ല്‍ ഇന്ത്യന്‍ പ്രീമിയര്‍ ലീഗിലെ ഒത്തുകളിയുമായി ബന്ധപ്പെട്ട് ആരോപണ വിധേയനായ ശ്രീശാന്തിനെ ഡല്‍ഹി പോലീസ് അറസ്റ്റ് ചെയ്തിരുന്നു. തുടര്‍ന്ന് ഇന്ത്യന് ക്രിക്കറ്റ് കണ്‍ട്രോള്‍ ബോര്‍ഡ് ഈ പേസ്ബൗളര്‍ക്ക് കളിയില്‍ നിന്ന് വിലക്കേര്‍പ്പെടുത്തി. പിന്നീട് ഡല്‍ഹി കോടതി കുറ്റവിമുക്തനാക്കിയെങ്കിലും ശ്രീശാന്തിനെതിരായ വിലക്ക് പിന്‍വലിക്കാന്‍ ബി സി സി ഐ വിസമ്മതിക്കുകയായിരുന്നു. നിലവില്‍ ഹിന്ദി, തെലുങ്ക് സിനിമകളില്‍ അഭിനയിച്ചു കൊണ്ടിരിക്കുന്ന ശ്രീശാന്ത് ചാനലുകളിലെ നൃത്ത പരിപാടികളിലും സജീവമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha