അര്ജന്റീനന് സൂപ്പര്താരമായ ലയണ് മെസി രാജ്യാന്തര ഫുട്ബോളില് നിന്നും വിരമിച്ചു
ശതാബ്ദി കോപ്പ കിരീടം നഷ്ടമായതിനു പിന്നാലെ അര്ജന്റീനന് സൂപ്പര് താരം ലയണല് മെസി ഫുട്ബോള് മതിയാക്കി. കോപ്പ ഫൈനലില് ചിലിയോടേറ്റ തോല്വിയുടെ ഭാരവുമായാണ് മെസി രാജ്യാന്തര ഫുട്ബോളില് നിന്ന് വിടവാങ്ങുന്നത്. കലാശ പോരാട്ടത്തില് ഇതു നാലാം തോല്വിയാണ്. ദേശീയ ടീമില് തന്റെ കാലം കഴിഞ്ഞെന്നും വിരമിക്കല് പ്രഖ്യാപനത്തിനിടെ 29 കാരനായ മെസി പറഞ്ഞു. ക്ലബ് ഫുട്ബോളില് ബാഴ്സലോണ ടീമിനായി നിരവധി കിരീടങ്ങള് നേടി കൊടുത്ത മെസിക്ക് പക്ഷേ അര്ജന്റീനന് ജഴ്സിയില് കിരീടത്തില് മുത്തമിടാനുള്ള ഭാഗ്യം ലഭിച്ചില്ല.
അര്ജന്റീനയുടെ എക്കാലത്തേയും മികച്ച ഗോള് വേട്ടക്കാരനായ മെസി ദേശീയ ടീമിനായി 112 മത്സരങ്ങളില് 55 ഗോളുകള് നേടി. എന്നാല് ടീമിനായി ഒരു കീരിടം നേടാനുള്ള ഭാഗ്യം മെസിക്ക് ലഭിച്ചില്ല. അതേസമയം ക്ലബ് ഫുട്ബോളില് ബാഴ്സലോണയ്ക്ക് 2015ല് മാത്രം അഞ്ചു കിരീടങ്ങളാണ് മെസി നേടിക്കൊടുത്തത്. ബാഴ്സയ്ക്കായി 348 മത്സരങ്ങളില് കളത്തിലിറങ്ങിയപ്പോള് 312 ഗോളുകളും താരം അടിച്ചുകൂട്ടിയിരുന്നു.
ലോക ഫുട്ബോളര്ക്കുള്ള ബാലണ് ഡി ഓര് പുരസ്കാരം അഞ്ചുവട്ടം സ്വന്തമാക്കിയിട്ടുള്ള താരമാണ് മെസി. 2007ലും 2008ലും രണ്ടാം സ്ഥാനത്തുനിന്ന മെസി, 2009ല് ഫിഫ ലോക ഫുട്ബോളര് ബഹുമതി ആദ്യമായി സ്വന്തമാക്കി. പിന്നീട് തുടര്ച്ചയായി നാലുവര്ഷം പുരസ്കാരം സ്വന്തമാക്കിയ മെസിയെ തേടി 2016ലും പുരസ്കാരമെത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
