സാക്ഷിയ്ക്ക് കല്യാണശേഷം ഭര്ത്താവിനൊപ്പം ഉറങ്ങുന്നതിന് ആറ് മാസത്തേയ്ക്ക് വിലക്കോ?
റിയോ ഒളിമ്പിക്സ് വെങ്കല മെഡല് ജേതാവ് സാക്ഷി മാലിക്ക് വിവാഹിതയാവുന്നുയെന്ന വാര്ത്ത ഈയിടെ പുറത്ത് വന്നിരുന്നു. ഗുസ്തി താരമായ സത്യവര്ത് കാദിയാനാണ് സാക്ഷിയുടെ പ്രതിശ്രുത വരനെന്നായിരുന്നു റിപ്പോര്ട്ടുകള്. സാക്ഷിയെ പോലെ നിരവധി താരങ്ങളും റിയോ ഒളിമ്പിക്സിനു ശേഷം വിവാഹിതരാവുന്നതായി പ്രഖ്യാപിച്ചിരുന്നു. എന്നാല് അത്തരത്തില് വിവാഹിതരാവുന്ന താരങ്ങള്ക്ക് ജാഗ്രതാ മുന്നറിയിപ്പുമായി ലോകാരോഗ്യ സംഘടന രംഗത്ത്.
സിക്ക വൈറസ് പടര്ന്ന് പിടിക്കുന്ന സാഹചര്യത്തില് ആ രാജ്യങ്ങള് സന്ദര്ശിച്ചവര് ചുരുങ്ങിയത് ആറ് മാസത്തേയ്ക്ക് എങ്കിലും കിടക്ക പങ്കിടരുതെന്നാണ് നിര്ദ്ദേശം. ഈ മുന്നറിയിപ്പ് വന്നതോട് കൂടി സാക്ഷിയ്ക്ക് ഭര്ത്താവുമൊത്ത് ഉറങ്ങാനാവില്ലെയെന്ന ചോദ്യമാണ് ഉയര്ന്നിരിക്കുന്നത്.
സിക്ക വൈറസ് ഭീഷണിയിലായിരുന്നു റിയോയില് ഒളിമ്പിക്സ് നടന്നത്. സ്ത്രീയുടെയും പുരുഷന്റെയും ശരീരത്തില് സിക്ക വൈറസ് മാസങ്ങളോളം നിലനില്ക്കാന് സാധ്യതയുണ്ട്. ഈ സാഹചര്യത്തിലാണ് ബ്രസീല് സന്ദര്ശിച്ചവരോട് ആറ് മാസത്തേയ്ക്ക് ലൈംഗിക ബന്ധത്തില് ഏര്പ്പെടെരുതെന്ന് ലോകാരോഗ്യ സംഘടനവിലക്കിയത്.
അമേരിക്കയിലെ മെറിലാന്റില് താമസിക്കുന്ന സ്ത്രീയ്ക്ക് ഭര്ത്താവിലൂടെ സിക്ക വൈറസ് ബാധിച്ചതായി നേരത്തെ സ്ഥിതികരിച്ചിരുന്നു. അമേരിക്കയിലെ മിയാമിയില് മാത്രം 56 സിക്ക കേസുകളാണ് റിപ്പാര്ട്ട് ചെയ്തിരിക്കുന്നത്.
https://www.facebook.com/Malayalivartha
