കേരളാ ബ്ലാസ്‌റ്റേഴ്‌സിന്റെ യൂത്ത് അംബാസിഡറായി മലയാള ചലച്ചിത്രതാരം നിവിന്‍ പോളിയെ തിരഞ്ഞെടുത്തു. ഐഎസ്എല്‍ മൂന്നാം സീസണിന് മുന്നോടിയായി ടീമിനെയും ടീമിന്റെ പുതിയ പ്രമോട്ടര്‍മാരെയും പരിചയപ്പെടുത്തുന്നതിനായി കൊച്ചിയില്‍ നടന്ന ചടങ്ങിലായിരുന്നു പ്രഖ്യാപനം.

സച്ചിന്‍ തെന്‍ഡുല്‍ക്കറിനോടൊപ്പം ടീമിന്റെ പുതിയ സഹഉടമകളായ നിമ്മഗഡ്ഡ, പ്രസാദ്, ചിരഞ്ജീവി, നാഗാര്‍ജുന, അല്ലു അരവിന്ദ് എന്നിവരും പങ്കെടുത്തു.

ചെറുപ്പം മുതലെ മറ്റേതൊരു ഇന്ത്യക്കാരനെയും പോലെ സച്ചിന്‍ തെണ്ടുല്‍ക്കറെ ആരാധിച്ചും സ്‌നേഹിച്ചും ജീവിച്ച തനിക്ക് അദ്ദേഹത്തോടൊപ്പം വേദി പങ്കിടാന്‍ സാധിച്ചതില്‍ അതിയായ സന്തോഷമുണ്ടെന്ന് നിവിന്‍ പോളി പറഞ്ഞു. കേരളാ ബ്ലാസ്‌റ്റേഴ്‌സിനോട് സഹകരിക്കാന്‍ സാധിച്ചതില്‍ അഭിമാനമുണ്ടെന്നും താരം കൂട്ടിച്ചേര്‍ത്തു.