ധോണിയുടെ സിനിമയ്‌ക്കെതിരെ വിമര്‍ശനവുമായി ഗംഭീര്‍ രംഗത്ത്
ക്രിക്കറ്റ് താരങ്ങളുടെ ജീവിതം പ്രമേയമാക്കി സിനിമ നിര്‍മിക്കുന്നതിനെ വിമര്‍ശിച്ച് ഗൗതം ഗംഭീര്‍ രംഗത്ത്.
മഹേന്ദ്രസിംഗ് ധോണിയുടെ ജീവിതത്തെ ആസ്പദമാക്കി ഒരുക്കുന്ന എം.എസ് ധോണി: ദ അണ്‍ടോള്‍ഡ് സ്‌റ്റോറിയെന്ന ചിത്രം സെപ്റ്റംബര്‍ 30 ന് പുറത്തിറങ്ങാനിരിക്കെയാണ് ഗൗതം ഗംഭീര്‍ വിമര്‍ശനവുമായി എത്തുയിരിക്കുന്നത്.
ഗംഭീറിന്റെ ട്വിറ്റര്‍ അക്കൗണ്ടില്‍ കൂടിയാണ് തന്റെ അഭിപ്രായം രേഖപ്പെടുത്തിയിരിക്കുന്നത്.
ആരുടേയും പേര് എടുത്ത് പറഞ്ഞിട്ടില്ലെങ്കിലും, ട്വീറ്റില്‍ ക്രിക്കറ്റ് താരങ്ങളുടെ ജിവിതകഥ സിനിമയാക്കുന്നതില്‍ താന്‍ വിശ്വസിക്കുന്നില്ലെന്നും ക്രിക്കറ്റ് താരങ്ങളെക്കാളുപരി രാജ്യത്തിന് വേണ്ടി ജീവത്യാഗം ചെയ്തവര്‍ വരെ നമ്മുടെ നാട്ടിലുണ്ടെന്നും അവരാണ് ഇത്തരം അംഗീകാരങ്ങള്‍ക്ക് അര്‍ഹരെന്നും ഗംഭീര്‍ പറയുന്നു.
കുറച്ചു നാളുകളായി ധോണിയും ഗംഭീറും തമ്മില്‍ അസ്വാരസ്യങ്ങള്‍ നിലനില്‍ക്കുകയാണ്. ക്രിക്കറ്റ് ഫീല്‍ഡിലും അത് പ്രകടമായിരുന്നു. 2015 ലെ ലോകകപ്പ് സ്‌ക്വാഡില്‍ ധോണിയുടെ ഇടപെടല്‍ കാരണമാണ് ഗംഭീറിന് അവസരം ലഭിക്കാതെ പോയതെന്നും ആരോപണമുണ്ട്. ദുലീപ് ട്രോഫിയില്‍ മികച്ച പ്രകടനം നടത്തിയിട്ടും ഗംഭീറിനെ ടീമിലേക്ക് പരിഗണിച്ചിരുന്നില്ല.
https://www.facebook.com/Malayalivartha
