മുഖത്തെ ക്ഷീണമകറ്റി ഫ്രഷ്‌നസ് നിലനിര്‍ത്തുന്നതില്‍ ഫേഷ്യല്‍ മാസ്‌കുകള്‍ക്ക് വലിയ പങ്കുണ്ട്. മുഖം തിളക്കമുള്ളതാവാന്‍ ബ്യൂട്ടിപാര്‍ലറില്‍ തന്നെ പോകണമെന്നൊന്നും ഇല്ല.വലിയ ചിലവില്ലാതെ വീട്ടില്‍ത്തന്നെ ഉണ്ടാക്കാവുന്ന ഫേഷ്യല്‍ മാസ്‌കുകള്‍ ഇതാ.

ബനാന ഫേഷ്യല്‍ മാസ്‌ക്
വാഴപ്പഴം കഴിക്കാന്‍ മാത്രമല്ല സൗന്ദര്യ സംരക്ഷണത്തിനും ഉത്തമമാണ്. പാകമെത്തിയ പഴം പേസ്റ്റ് രൂപത്തിലാക്കി മുഖത്തും കഴുത്തിലും പുരട്ടണം. ഇരുപതു മിനനുട്ടിനു ശേഷം തണുത്ത വെള്ളമുപയോഗിച്ച് കഴുകിക്കളയുന്നതിലൂടെ മുഖത്തിന്റെ ഫ്രഷ്‌നസ് വീണ്ടെടുക്കാം.
മില്‍ക് ഫേഷ്യല്‍ മാസ്‌ക്
കാല്‍ക്കപ്പ് പാല്‍പ്പൊടി വെള്ളം ചേര്‍ത്ത് കട്ടിയായ പേസ്റ്റ് രൂപത്തില്‍ ആക്കി മുഖത്തു തേച്ചുപിടിപ്പിക്കുക. പൂര്‍ണ്ണമായും ഉണങ്ങിക്കഴിഞ്ഞതിനു ശേഷം വെള്ളം ഉപയോഗിച്ച് കഴുകുന്നതോടെ മുഖത്തിന് ഉന്‍മേഷം ലഭിക്കും.
ഓട്‌സ് ഫേഷ്യല്‍ മാസ്‌ക്
അരക്കപ്പ് ചൂടുവെള്ളത്തില്‍ മുക്കാല്‍കപ്പ് ഓട്‌സ് ചേര്‍ക്കുക. വെള്ളവും ഓട്‌സും നന്നായി ചേര്‍ന്നു കഴിയുമ്പോള്‍ അതിലേക്ക് രണ്ടുടേബിള്‍ സ്പൂണ്‍ തൈര്, തേന്‍ എന്നിവയും ഒരുമുട്ടയുടെ വെള്ളയും ചേര്‍ക്കുക. തുടര്‍ന്ന് ഈ മിശ്രിതം കട്ടിയായി മുഖത്തു പിടിപ്പിച്ച് പതിനഞ്ചു മിനുട്ടോളം ഇരിക്കുക. ഇനി വെള്ളമുപയോഗിച്ച് കഴുകിക്കളയാം
തൈര് ഫേഷ്യല്‍ മാസ്‌ക്
മുഖം നന്നായി കഴുകിയതിനുശേഷം തൈരു തേച്ച് ഇരുപതു മിനുട്ട് വെക്കുന്നതു തന്നെ മുഖകാന്തി വര്‍ധിപ്പിക്കും. ഓറഞ്ച് ജ്യൂസില്‍ തൈരു മിക്‌സ് ചെയ്ത് അഞ്ചുമിനുട്ട് ഇരിക്കുന്നതും മുഖം ഫ്രഷ് ആക്കും.
നാരങ്ങാ ഫേഷ്യല്‍ മാസ്‌ക്

ഒരു നാരങ്ങയില്‍ നിന്നുള്ള നീരിനൊപ്പം കാല്‍കപ്പ് ഒലീവ് ഓയിലോ ആല്‍മണ്ട് ഓയിലോ ചേര്‍ത്ത് മുഖത്തു പുരട്ടുന്നത് മുഖകാന്തി വര്‍ധിപ്പിക്കും

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha