നിയോണ്‍ നിറങ്ങള്‍ ആഞ്ഞടിച്ചതിനു പിന്നാലെ അവയ്ക്കിടയിലെ മുന്തിയവനെ തിരഞ്ഞെടുക്കാന്‍ ഫാഷനിസ്റ്റുകള്‍ മത്സരം നടത്തി. ഫ്യൂഷിയ നിറമാണ് കൂട്ടത്തില്‍ ഫസ്റ്റ്ക്ലാസ് വാങ്ങി പാസായത്. ഫ്യൂഷിയ പിങ്ക് എന്നറിയപ്പെടുന്ന മജന്തയല്ല, പിങ്കല്ല എന്ന മട്ടിലുള്ള ഈ നിറമാണ് ഡിസൈനര്‍ വസ്ത്രങ്ങള്‍ക്കിടയിലെ താരം. ഒരേ വസ്ത്രത്തില്‍ ഒന്നിലധികം നിറങ്ങളുടെ പരീക്ഷണം നടത്തുന്ന കളര്‍ ബ്ലോക്കിങില്‍ ഫ്യൂഷിയ തകര്‍ക്കുന്നു.

മഞ്ഞ, കോപ്പര്‍, ഗ്രേ നിറങ്ങളുമായി അവയുടെ ചങ്ങാത്തം ബ്ലോക്ക്ബസ്റ്റര്‍ ഹിറ്റുകള്‍ സൃഷ്ടിക്കുകയാണ്. പ്രിന്റ്, പാറ്റേണ്‍ എന്നിവയെല്ലാം ഒഴിവാക്കുകയാണ് പതിവ്. നിറത്തില്‍ നിന്ന് ഇവ ശ്രദ്ധ തിരിക്കുമെന്നതു കാരണം ജോര്‍ജെറ്റ്, ഷിഫോണ്‍, വെല്‍വെറ്റ്, സാറ്റിന്‍ മുതലായ ഗ്ലോസി തുണിത്തരങ്ങളിലാണ് ഫ്യൂഷിയ നിറം അരങ്ങുവാഴുന്നത്. മഞ്ഞ, പിസ്ത, ഗ്രീന്‍ നിറങ്ങളും ഈ കൂട്ടുകെട്ടിനിടയില്‍ മികച്ച തരത്തില്‍ കോംപ്ലിമെന്റ് ചെയ്യുന്നു. സില്‍ക്കില്‍ ഫ്യൂഷിയ വരുന്നത് ഏറെയും ഓറഞ്ച്, കോപ്പര്‍ നിറങ്ങളുടെ കൂടെയാണ്. ഇവ ധരിക്കുമ്പോള്‍ കൂടെ കൊണ്ടുനടക്കുന്ന ആക്‌സസറികളിലും കളര്‍ ബ്ലോക്കിങ് നടത്താം. മള്‍ട്ടി ടോണിലുള്ള ഹാന്‍ഡ് ബാഗുകള്‍, ഷൂസ് ആഭരണങ്ങള്‍ എന്നിവ തിരഞ്ഞെടുക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha