അധികം മേയ്ക്കപ്പില്ലാതെ ഇനി നിങ്ങള്‍ക്കും താരമാവാം
പഴമയും പുതുമയും ഒത്തിണങ്ങുന്ന ആന്റിക്ക് ആഭരണങ്ങള്‍ അണിഞ്ഞ് മുഗള്‍വംശത്തിലെ സുന്ദരിമാരെപ്പോലെ രാജകീയ പ്രൗഢിയില്‍ നിങ്ങള്‍ക്കും വിലസാം. കലാഭംഗിയുള്ള; പാരമ്പര്യം വിളിച്ചോതുന്ന ആന്റിക്ക് ആഭരണങ്ങള്‍ക്ക് പെണ്‍കുട്ടികള്‍ക്കിടയില്‍ ഡിമാന്‍ഡുയരുകയാണ്. സ്വര്‍ണത്തിന്റെ മഞ്ഞപ്പില്ലാതെ മങ്ങിയ നിറമുള്ള ആന്റിക്ക് ആഭരണങ്ങളെ പുത്തന്‍ ട്രെന്‍ഡായി യുവത്വം നെഞ്ചിലേറ്റി കഴിഞ്ഞു. ബ്ലാക്ക്, കോപ്പര്‍ ലുക്കുള്ളതാണ് ആന്റിക്ക് ആഭരണങ്ങളെന്നത് പഴയ കഥ.
സ്വര്‍ണത്തിന്റെ മഞ്ഞനിറവും ഡള്‍ ഫിനിഷും ഇന്നത്തെ ആന്റിക്ക് ആഭരണങ്ങള്‍ക്കില്ല. ആന്റിക്ക് ആഭരണങ്ങള്‍ക്കിടയിലെ പുത്തന്‍ ട്രെന്‍ഡും ഇതാണ്. പാര്‍ട്ടിവെയര്‍ സ്‌പെഷ്യലാണീ ആഭരണങ്ങള്‍. ഇവയില്‍ പിടിപ്പിച്ചിരിക്കുന്ന കല്ലുകളും മുത്തുകളും ആഭരണങ്ങളുടെ ആകര്‍ഷണം ഉയര്‍ത്തുന്നു. റൂബി, എമ്‌റാള്‍ഡ്, ടര്‍കൊയ്‌സ് എന്നിവയും ആന്റിക്ക് ആഭരണങ്ങളില്‍ ഇടംപിടിക്കുന്നു. വ്യത്യസ്തതയാര്‍ന്ന ഇനാമല്‍ വര്‍ക്കുകളും ആന്റിക്ക് ആഭരണങ്ങളുടെ പ്രത്യേകതയാണ്. ലളിതമായ ആഘോഷങ്ങള്‍ക്കായി സ്‌പെഷ്യല്‍ ആന്റിക്ക് ആഭരണങ്ങള്‍ തന്നെയുണ്ട്. ലളിതമായ ഡിസൈനുകളായിരിക്കും ഇവയ്ക്ക്
കൊല്‍ക്കത്ത, മുംബൈ, രാജ്ഘട്ട് എന്നിവിടങ്ങളിലെയാണ് ആന്റിക്ക് ഡിസൈനുകള്‍. പഴയകാല ആന്റിക്ക് ആഭരണങ്ങളുടെ കലാഭംഗിക്ക് കോട്ടം വരാതെയുള്ള റീമേക്കുകളാണ് ഇന്നത്തെ ആഭരണങ്ങള്‍. തമിഴ്‌നാട്ടിലെ ടെമ്പിള്‍ ആഭരണങ്ങളും യുവത്വത്തിന്റെ ഇഷ്ടയിനമാണ്. ഇതില്‍ തന്നെ ചെട്ടിനാടന്‍ ആഭരണങ്ങള്‍ക്കാണ് ഡിമാന്റ്.
ലക്ഷ്മി, ശ്രീകൃഷ്ണന്‍, ഗണപതി തുടങ്ങിയ ദേവതകളെല്ലാം മനോഹരമായ ഡിസൈനുകളില്‍ ആഭരണങ്ങളില്‍ ഇടം പിടിക്കുന്നു. ഇത്തരത്തിലുള്ള ആഭരണങ്ങള്‍ അണിയുന്നത് ഐശ്വര്യം വര്‍ധിപ്പിക്കുമെന്ന വിശ്വാസത്തിലെത്തുന്ന ആവശ്യക്കാരും കുറവല്ല. അഷ്ടലക്ഷ്മി മാല, ലക്ഷ്മി വള എന്നിവയ്ക്കും ഡിമാന്റുണ്ട്. റിവേഴ്‌സ് ചെയ്യാവുന്ന പെന്റന്റ് മാലകള്‍ക്കാണ് ആവശ്യക്കാരേറെയുള്ളത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
