യൗവനം നിലനിര്ത്താന് വാംപയര് ഫേഷ്യല്
ഇപ്പോള് എല്ലാവര്ക്കും യൗവനം നിലനിര്ത്തി തന്റെ സൗന്ദര്യം കാത്തുസൂക്ഷിക്കുന്നതില് വളരെ ജാഗ്രതയുള്ളവരാണ്. ഏതു രീതിയിലായാലും പ്രശ്നമില്ല, സൗന്ദര്യം നിലനിന്നാല് മതി. സൗന്ദര്യം വര്ദ്ധിപ്പിക്കാനായി താരങ്ങള് ഉള്പ്പടെയുള്ളവര് ഉപയോഗിക്കുന്ന വാംപയര് ഫേഷ്യലിനെ കുറിച്ചാണ് പറയുന്നത്. പേരിലെ കൗതുകം പോലെ തന്നെയാണ് വാംപയര് ഫേഷ്യല് ഉപയോഗിക്കുന്ന രീതിയും.
സ്വന്തം രക്തം ഉപയോഗിച്ചു ചെയ്യുന്നൊരു ചികിത്സാ രീതിയാണിത്. ഇന്നു കണ്ടുവരുന്ന ഒരുവിധം എല്ലാ തരത്തിലുള്ള ചര്മ പ്രശ്നങ്ങള്ക്കും പരിഹാരമാണു വാംപയര് ഫേഷ്യല്. ചര്മത്തിന്റെ ക്ലാരിറ്റി വര്ധിപ്പിക്കാനും നിറം കൂട്ടാനും ചുളിവുകള് ഇല്ലാതാക്കാനും മാത്രമല്ല പ്രായം തോന്നിക്കുന്നതു മാറ്റി യുവത്വം നല്കാനും മികച്ചതാണ് വാംപയര് ഫേഷ്യല്. ഇരുപതു വയസു മുതല് നാല്പതുകള് വരെയുള്ളവരില് പ്രായഭേദമില്ലാതെ സ്വീകരിക്കാവുന്നൊരു ചികിത്സാരീതിയാണിത്.
ചര്മത്തിലെ തന്നെ ഫാറ്റ് സെല്ലുകളെ വികസിപ്പിച്ചെടുക്കുന്ന കുറേ ഘടകങ്ങളുണ്ട്. അവയെ തന്നെ തിരിച്ചു ഇന്ജക്റ്റ് ചെയ്യുകയാണിതിലൂടെ. ആദ്യമായി ഒരു ചെറിയ അളവില് രക്തമെടുത്ത് അതില് നിന്നും പ്ലേറ്റ് ലേറ്റുകളെയും പ്ലാസ്മയെയും മറ്റു ഘടകങ്ങളില് നിന്നും വേര്തിരിച്ചെടുക്കും. അതിനുശേഷം മുഖത്തിന്റെ ഏതു വശത്താണോ ചികിത്സ ആവശ്യമുള്ളത് അവിടെ ഒരു ചെറിയ സൂചി ഉപയോഗിച്ച് ഇന്ജക്റ്റ് ചെയ്യും. ഇത് വേദനിപ്പിക്കുന്നൊരു രീതിയാണെങ്കിലും. ഒരു ക്രീം ഉപയോഗിച്ചു മുഖം ഇരുപതു മിന്നിട്ടോളം നേരത്തേക്കു തരിപ്പിച്ചതിനു ശേഷമാണ് ചികിത്സ ആരംഭിക്കുക.
ഒരു മൂന്നുമാസത്തിനകം പ്രായം നന്നേ കുറവു തോന്നിച്ചു തുടങ്ങും. ഇനി പ്രായം പെട്ടെന്നു തോന്നിക്കുന്ന പാരമ്പര്യം ഉള്ളവരാണെങ്കില് ഒരു മുപ്പതുകളില് തന്നെ വാംപയര് ഫേസ്ലിഫ്റ്റ് ചെയ്തു തുടങ്ങാം. സാധാരണ ഫേഷ്യലുകള് പോലെ മാസാമാസം ചെയ്യേണ്ട ആവശ്യമില്ല വാംപയറിന്. ഒരിക്കല് വാംപയര് ഫേഷ്യല് ചെയ്തു കഴിഞ്ഞാല് ഏതാണ്ട് രണ്ടുവര്ഷത്തേക്കു വരെ അതിന്റെ ഫലം നില്ക്കാന് സാധ്യതയുണ്ട്, ആറുമാസം കഴിയുമ്പോഴേയ്ക്കും മുഖം നന്നായി ഭംഗി വയ്ക്കുമെന്നതില് യാതൊരു സംശയവുമില്ല.
ഹോളിവുഡ് നടിയായ കിം കര്ദ്ദാഷിയാനെപ്പോലുള്ള പ്രശസ്തര് വാംപയര് ഫേഷ്യലിനെക്കുറിച്ചുള്ള അനുഭവം യൂട്യൂബ് വിഡിയോയിലൂടെയും മറ്റും പങ്കുവച്ചതോടെയാണ് ഇതിനു കൂടുതല് പ്രചാരം ലഭിച്ചത്.
https://www.facebook.com/Malayalivartha
