കൗമാരപ്രായക്കാരുടെ ഭക്ഷണത്തില്‍ അമ്മമാര്‍ ശ്രദ്ധിക്കാന്‍
വളര്‍ച്ചയുടെ രണ്ടാംഘട്ടമായാണ് കൗമാരപ്രായത്തെ കണക്കാക്കുന്നത്. ഈ ഘട്ടത്തില്‍ കഴിക്കുന്ന പോഷകാഹാരം ഭാവിതലമുറയെപോലും മെച്ചപ്പെടുത്തും. ആരോഗ്യകാര്യത്തിലും ഡയറ്റിങ് കാര്യത്തിലുമെല്ലാം ഏറ്റവും ശ്രദ്ധിക്കുന്നതും കൗമാരക്കാരാണ്. മെലിഞ്ഞു സുന്ദരമായിരിക്കുക എന്നതായിരിക്കുന്നു ഇപ്പോഴത്തെ കൗമാരലക്ഷ്യം. പല ഭക്ഷണങ്ങളും ഇതിനായി ഒഴിവാക്കപ്പെടുമ്പോള്‍ ഓര്‍ക്കുക, ആവശ്യത്തിനുള്ള പോഷകങ്ങള്‍ ശരീരത്തിലെത്തിയില്ലെങ്കില്‍ അനേകം രോഗങ്ങളിലേക്കായിരിക്കും ഭാവിയിലുണ്ടാകുക
പ്രഭാതഭക്ഷണം ഒഴിവാക്കരുത്. പ്രഭാതഭക്ഷണത്തിലെ ഊര്‍ജ്ജം തലച്ചോറിന് ഉണര്‍വേകുന്നു. ഉദാ. ഇഡ്ഡലി/ദോശ/ ചപ്പാത്തി/ പുട്ട് /ഇടിയപ്പം തുടങ്ങിയവയ്‌ക്കൊപ്പം മുട്ട /ചിക്കന്‍/ പയറുവര്‍ഗങ്ങള്‍ ഇവിയലേതെങ്കിലും ഉള്‍പ്പെടുത്തി കഴിച്ചാല്‍ മതിയാകും.
ഉച്ചഭക്ഷണത്തില്‍ പച്ചക്കറികളും പ്രോട്ടീന്‍ അടങ്ങിയ പയറുവര്‍ഗങ്ങള്‍ മീന്‍/ മുട്ട ഇവയിലൊന്നും ഉള്‍പ്പെടുത്തുക
നാലുമണിപ്പലഹാരങ്ങള്‍ ആവിയില്‍ പുഴുങ്ങിയ കൊഴുക്കട്ട/ വട്ടയപ്പം/ ഇലയട/ വേവിച്ച പയര്‍/ കടല തുടങ്ങിയവയോ അവല്‍ പൊരി/ കടലമിഠായി തുടങ്ങിയവയോ ഉള്‍പ്പെടുത്തുക.
കൗമാരപ്രായക്കാരുടെ ഭക്ഷണത്തില്‍ പാലും പാലുല്‍പ്പന്നങ്ങളും ഉള്‍പ്പെടുത്തുക വഴി എല്ലുകളുടെ ആരോഗ്യം ഉറപ്പാക്കാം
ഊര്‍ജം മാത്രം നല്‍കുന്ന സോഫ്റ്റ് ഡ്രിങ്ക്‌സുകള്‍, പാനിയങ്ങള്‍ തുടങ്ങിയവ അമിതവണ്ണത്തിലേയ്ക്കു നയിക്കുകയും കൂടാതെ ഭക്ഷണത്തോടു വിമുഖത തോന്നിപ്പിക്കുകയും ചെയ്യുന്നു.
കൗമാരപ്രായക്കാരുടെ ഭക്ഷണത്തില്‍ ഏകദേശം 200ഗ്രാം പച്ചക്കറികളും 100ഗ്രാം പഴവര്‍ഗങ്ങളും ദിവസവും ഉള്‍പ്പെടുത്തുക
ഇരുമ്പു സത്തിന്റെ കുറവ് ഇല്ലാതാക്കാന്‍ ഇലക്കറികള്‍ മുട്ട, ഈന്തപ്പഴം, ഉണക്കമുന്തിരി, നട്‌സ്, ആശാളി, എള്ള് തുടങ്ങിയവ ഭക്ഷണത്തില്‍ ഉള്‍പ്പെടുത്തുക
പുറത്തുനിന്നുള്ള ഭക്ഷണം വല്ലപ്പോഴും മാത്രമാക്കുകയും വിവേകത്തോടെ ഭക്ഷണം തിരഞ്ഞെടുക്കുകയും ചെയ്യുക.
പലതരത്തിലുള്ള ധാന്യങ്ങളും പയറുവര്‍ഗങ്ങളും, വിവിധ നിറങ്ങളിലുള്ള പഴങ്ങളും പച്ചക്കറികളും ഭക്ഷണത്തില്‍ ഉള്‍പ്പെടുത്തുക
കൃത്യമായ ഇടവേളകളില്‍ ഭക്ഷണം കഴിക്കുകയും നിരാഹാരവും അമിത ഭക്ഷണവും ഒഴിവാക്കുകയും വേണം
വ്യായാമം ജീവിതശൈലിയുടെ ഭാഗമാക്കുക. ദിവസവും അരമണിക്കൂര്‍ ഏതെങ്കിലും കളികളില്‍ ഏര്‍പ്പെടുക. ഉദാ: ഡാന്‍സ്, സൈക്കിളിങ്, പന്തുകളി, നീന്തല്‍ തുടങ്ങിയ ഏതെങ്കിലും ഒന്നില്‍ ഏര്‍പ്പെടുക.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
