തലവേദനയ്‌ക്ക്‌ ആശ്വാസമേകാം ...
തലവേദനകള്‍ പലതരത്തിലുണ്ട്‌. ടെന്‍ഷന്‍ തലവേദന, മൈഗ്രേന്‍, അപകടങ്ങള്‍,മദ്യപാനം, അമുബാധകള്‍ തുടങ്ങിയവ മൂലമുണ്ടാകുന്ന തലവേദന എന്നിവയാണ്‌ പ്രധാനം. ടെന്‍ഷന്‍ തലവേദന വ്യാപകമാണ്‌. പുരുഷന്മാരില്‍ മൂന്നില്‍ രണ്ട്‌ പേരും സ്‌ത്രീകളില്‍ നാലില്‍ മൂന്നു പേരും ടെന്‍ഷന്‍ തലവേദന അനുഭവിക്കുന്നവരാണ്‌. ടെന്‍ഷന്‍ ഉണ്ടാകുമ്പോള്‍ മുഖം, നെറ്റി, കഴുത്ത്‌ എന്നിവിടങ്ങളിലെ പേലികള്‍ മുറുകുന്നതാണ്‌ ഇത്തരം തലവേദനയ്‌ക്ക്‌ കാരണമെന്നു കരുതപ്പെടുന്നു.
തലവേദനകളില്‍ ഏറ്റവും ശല്യക്ക#ാരന്‍ മൈഗ്രേന്‍ ആണ്‌. കൂടുതലും സ്‌ത്രീകളിലാണ്‌ കണ്ടു വരുന്നത്‌. തലയിലും നെറ്റിയിലും വിങ്ങലും വേദനയും, കാഴ്ച മങ്ങുക, ഓക്കാനം , ഛര്‍ദ്ദി തുടങ്ങിയവയൊക്കെ മൈഗ്രേന്റെ ലക്ഷണങ്ങളാണ്‌.
ബി.പി, സ്‌ട്രോക്‌, ശ്വാസകോശങ്ങള്‍, തലയ്‌ക്കുള്ളിലെ രക്തസ്രാവം, കാഴ്ച പ്രശ്‌നങ്ങള്‍, സൈനസൈറ്റിസ്‌, അലര്‍ജി, ഇസ്‌നോഫീലിയ തുടങ്ങിയ രോഗങ്ങളും കണ്ണ്‌ , മൂക്ക്‌, ചെവി തുടങ്ങിയ ഭാഗങ്ങളിലുണ്ടാകുന്ന അസ്വസ്ഥതകളും തലവേദനയുണ്ടാക്കും.
വേദന സംഹാരികള്‍ കഴിക്കുന്നത്‌ കഴിവതും ഒഴിവാക്കണം. മഞ്ഞ്‌, മഴ, വെയില്‍, പുക എന്നിവ കൊളളുന്നതും അസമയത്ത്‌ കുളിക്കുന്നതും ഒഴിവാക്കണം. ചെറുനാരങ്ങാനീരില്‍ ചന്ദനവും കര്‍പ്പൂരവും ചാലിച്ച്‌ നെറ്റിയിലിടുന്നത്‌ ആശ്വാസമേകും.
ചുക്ക്‌ കുരുമുളക്‌, മഞ്ഞള്‍ എന്നിവ തുല്യ അളവിലെടുത്ത്‌ പൊടിച്ച്‌ തുണിയില്‍ വെച്ച്‌ തിരിയാക്കി നെയ്യില്‍ മുക്കി കത്തിച്ച്‌ പുക ശ്വസിക്കുന്നത്‌ സൈനസൈറ്റിസ്‌ തലവേദനയ്‌ക്ക്‌ ഫലപ്രദമാണ്.
നെല്ലിക്കയുടെ തൊലി പശുവിന്‍ പാലിലരച്ച്‌ നെറ്റിയിലിടുന്നതും ആശ്വാസം നല്‍കും.
https://www.facebook.com/Malayalivartha
