മഴ ശക്തമായതോടെ നെല്ലിയാമ്പതിയില്‍ വിനോദസഞ്ചാരികളുടെ തിരക്കേറി.

നിരവധി വാഹനങ്ങളാണ് ഈ ദിവസങ്ങളില്‍ നെല്ലിയാമ്പതിയിലെത്തിയത്.

സീതാര്‍കുണ്ട് വ്യൂപോയിന്റിലും കേശവന്‍പാറ, പലകപ്പാണ്ടി, ഗ്രീന്‍ലാന്റ് ഫാം എന്നിവിടങ്ങളില്‍ വന്‍തിരക്കാണ് അനുഭവപ്പെടുന്നത്.

മഴ പെയ്തു ചെറിയ വെള്ളച്ചാട്ടങ്ങള്‍ രൂപപ്പെട്ടതോടെ നെല്ലിയാമ്പതിയിലെങ്ങും മനോഹര കാഴ്ചകളാണുള്ളത്.

നൂറടിപ്പുഴയുടെ ഒരു ഭാഗത്തുള്ള താമരതടാകവും പലകപ്പാണ്ടി ഗ്രീന്‍ലാന്റ് ഫാമിലെ പക്ഷിമൃഗാദികളെയും വിനോദസഞ്ചാരികള്‍ക്കു സന്ദര്‍ശിക്കാം.

താമസസൗകര്യക്കുറവും ശൗചാലയങ്ങള്‍ അടഞ്ഞുകിടക്കുന്നതും വിനോദസഞ്ചാരികളെ ഏറെ വലയ്ക്കുകയാണ്.

പോത്തുണ്ടി-നെല്ലിയാമ്പതി റോഡിന് ഇരുവശവും പുല്ലും കാട്ടുചെടികളും പടര്‍ന്നു കയറിയതും വാഹനയാത്രക്കാര്‍ക്ക് ഭീഷണിയാകുകയാണ്.