പുഷ്‌പിക്കുന്ന വീട്ടുസസ്യങ്ങളില്‍ വളരെ എളുപ്പം വളര്‍ത്താനാവുന്ന ഒരിനമാണ്‌ ആഫ്രിക്കന്‍ വയലറ്റ്‌. വലിയ പരിശ്രമമൊന്നും കൂടാതെ വര്‍ഷം മുഴുവന്‍ അവ പൂവിടുകയും ചെയ്യും. നൂറു കണക്കിന്‌ വിധത്തിലും തരത്തിലും ഇവ ലഭിക്കുകയും ചെയ്യും. ഇലകളില്‍ വിവിധ നിറത്തിലുള്ള പുള്ളികളുള്ളവ, പൂക്കളുടെ അരിക്‌ വെളുത്ത നിറമുള്ളവ എന്നിങ്ങനെ നാനാപ്രകാരത്തില്‍ ഇവ കിട്ടും. അരിച്ചിറങ്ങുന്ന സൂര്യപ്രകാശവും, ഇളം ചൂടുള്ള കാലാവസ്ഥയുമാണ്‌ ആഫ്രിക്കന്‍ വയലറ്റിന്‌ അനുയോജ്യം. ഇലകളില്‍ വെളളം താങ്ങി നില്‍ക്കുന്നത്‌ ഒഴിവാക്കിയില്ലെങ്കില്‍ ബ്രൗണ്‍ നിറത്തിലുള്ള പുള്ളികള്‍ ഇലകളില്‍ ഉണ്ടാവാറുണ്ട്‌.