കേരളം ഡോക്ടര്മാരുടെ സംസ്ഥാനമാകുന്നോ?
അടുത്ത പത്ത് വര്ഷത്തിനകം 200 പേര്ക്ക് ഒരു ഡോക്ടര് എന്ന നിലയില് കേരളത്തില് ഡോക്ടര്മാരുടെ എണ്ണം കുതിച്ചുയരുന്നു. നിലവില് 500 പേര്ക്ക് ഒന്ന് എന്ന നിലയില് നിന്നും കുതിക്കാന് പാകത്തിന് ഡോക്ടര്മാരെ ഓരോ കൊല്ലവും സംസ്ഥാനത്തെ 28 മെഡിക്കല് കോളേജുകള് സംഭാവന ചെയ്യുന്നുണ്ട്. ഡോക്ടര്മാരുടെ ഈ വര്ദ്ധന സംസ്ഥാനത്തെ ആരോഗ്യരംഗത്ത് അനാരോഗ്യ പ്രവണതകള് വര്ദ്ധിപ്പിക്കാന് മാത്രമേ ഉപകരിക്കൂ എന്നാണ് വിലയിരുത്തല്. ഡോക്ടര്മാര് തമ്മില് നിലനില്പ്പിനുവേണ്ടിയുള്ള പോരാട്ടം രൂക്ഷമാവും. ഇപ്പോള്ത്തന്നെ ഇത് നിലവിലുള്ള സംസ്ഥാനമാണ് കേരളം.
നിലവില് 70,000 ഡോക്ടര്മാരാണ് കേരളത്തിലുള്ളത്. ഓരോ വര്ഷവും ശരാശരി 3000 ഡോക്ടര്മാര് പഠിച്ചിറങ്ങുന്നുണ്ട്. ഇതിനുപുറമേയാണ് പുറത്തുനിന്ന് പഠിച്ചിറങ്ങുന്നവര്. ഇന്ത്യയില് ഓരോ വര്ഷവും പഠിച്ചിറങ്ങുന്ന ഡോക്ടര്മാരുടെ 40 ശതമാനം കേരളം, തമിഴ്നാട്, ആന്ധ്ര, കര്ണാടക സംസ്ഥാനങ്ങളില് നിന്നാണ്.
രാജ്യത്ത് 2000 പേര്ക്ക് ഒരു ഡോക്ടര് എന്ന സ്ഥിതി ഉള്ളപ്പോഴാണ് കേരളം പോലെ ചെറിയ വിസ്തൃതിയിലുള്ള സ്ഥലത്ത് ഡോക്ടര്മാരുടെ എണ്ണം പെരുകുന്നത്. ഇത് അപകടകരമായ സ്ഥിതിയുണ്ടാക്കും. ചികിത്സാ രംഗത്തെ മാനദണ്ഡങ്ങള് ലംഘിക്കപ്പെട്ടേക്കാം. രോഗികള്ക്കുവേണ്ടിയുള്ള മത്സരം കൂടിയേക്കാം.
https://www.facebook.com/Malayalivartha