ഇരുചക്ര വാഹന വിപണിയിലെ മാന്ദ്യം; ഹോണ്ട ഉത്പാദനം കുറയ്ക്കുന്നു
ഇന്ത്യന്‍ മാര്‍ക്കറ്റില്‍ ഇരുചക്ര വാഹനങ്ങളുടെ ഡിമാന്റില്‍ വന്‍ കുറവുണ്ടായതിന്് പിന്നാലെ പ്രമുഖ ഇരുചക്ര വാഹന നിര്‍മ്മാതാക്കളായ ഹോണ്ടാ ഇന്ത്യ ഉത്പാദനം കുറക്കുന്നു. ഇന്ത്യയില്‍ കമ്പനിയുടെ 18 വര്‍ഷത്തെ പ്രവര്‍ത്തനത്തിനിടയില്‍ ഇതാദ്യമായാണ് ഉത്പാദനം കുറയ്ക്കുന്നത്. പെട്രോള്‍ വിലയിലെ വര്‍ദ്ധന, ഇന്‍ഷുറന്‍സ് ഉള്‍പ്പെടെയുള്ള ചെലവുകളില്‍ ഉണ്ടായ വര്‍ദ്ധന തുടങ്ങിയ ഘടകങ്ങളാണ് ടൂ വീലര്‍ വില്‍പനയെ പ്രതികൂലമായി ബാധിച്ചത്. `ാട്ടോമൊബൈല്‍ ഫൈനാന്‍സിംഗ് മേഖലയിലെ തളര്‍ച്ചയും വില്‍പ്പനയെ ബാധിച്ചിട്ടുണ്ട്.
ഏപ്രില്‍ ജൂണ്‍ ത്രൈമാസത്തില്‍ ഉത്പാദനം 15 മുതല്‍ 20 ശതമാനം വരെ കുറയ്ക്കാനാണ് കമ്പനി തീരുമാനിച്ചിരിക്കുന്നത്. ഇന്ത്യന്‍ മാര്‍ക്കറ്റില്‍ ഇരുചക്ര വാഹനങ്ങളുടെ ഡിമാന്റില്‍ വന്‍ കുറവുണ്ടായതാണ് ഇതിന് കാരണമായി കമ്പനി പറയുന്നത്. കഴിഞ്ഞ 15 വര്‍ഷത്തിനിടയില്‍ ഇതാദ്യമായാണ് വില്‍പന കുറയുന്നത്.
കാര്‍ഷിക ഗ്രാമങ്ങളിലാണ് ഡിമാന്‍ഡ് കുത്തനെ ഇടിഞ്ഞത്. ബൈക്കുകളെ അപേക്ഷിച്ച് സ്‌കൂട്ടറുകളുടെ ഡിമാന്‍ഡാണ് കുത്തനെ കുറഞ്ഞത്. കാര്‍ഷിക മേഖലയിലെ രൂക്ഷമായ സാമ്പത്തിക പ്രതിസന്ധി വില്‍പനക്ക് ദോഷകരമായി ബധിച്ചിട്ടുണ്ട്. ഈ സാഹചര്യത്തിലാണ് ഉത്പാദനം വെട്ടികുറയ്ക്കാന്‍ ഹോണ്ട തീരുമാനിച്ചത്.
https://www.facebook.com/Malayalivartha
