വോട്ട് ചെയ്തവര്ക്ക് ഫ്രീ സര്വ്വീസ് ഓഫറുമായി ഹീറോ മോട്ടോകോര്പ്പ്
ഇരുചക്ര വാഹന നിര്മ്മാതാക്കളായ ഹീറോ മോട്ടോകോര്പ്പ് വോട്ട് ചെയ്ത എല്ലാ ഉപയോക്താക്കളുടെയും ഇരുചക്ര വാഹനങ്ങള് സൗജന്യമായി കഴുകി കൊടുക്കുമെന്ന് പ്രഖ്യാപിച്ചിരിക്കുന്നത്. ഇന്ത്യയിലെ ഇരുചക്ര വാഹന ഉപയോക്താക്കളെ വോട്ട് ചെയ്യാന് പ്രേരിപ്പിച്ചുകൊണ്ട് ഹീറോ മോട്ടോകോര്പ്പ് ചില ഓഫറുകള് നല്കുന്നത്. കൂടാതെ, 199 രൂപയ്ക്ക് ഹീറോ മോഡലുകള് സര്വ്വീസ് ചെയ്തുതരുമെന്നും കമ്പനി അറിയിച്ചു.
വോട്ടെടുപ്പ് കഴിഞ്ഞ് രണ്ട് ദിവസത്തിനുള്ളില് മാത്രമായിരിക്കും വാഷ്, സര്വ്വീസ് ലഭിക്കുന്നത്. റെഗുലര് ചെക്ക്അപ്പ്, കാര്ബുറേറ്റര് ക്ലീനിംഗ്, ബ്രേക്ക് അഡ്ജസ്റ്റ്മെന്റ് എന്നിവയാണ് 199 രൂപയുടെ സര്വീസ് പാക്കേജില് ഉള്പ്പെടുന്നത്.
വോട്ട് ചെയ്തു എന്ന് തെളിയിക്കുന്ന കൈവിരലിലെ മഷിയടയാളം കാണിച്ചാല് മാത്രം മതിയാകും. വാഹനം സര്വീസ് ചെയ്യുന്നതിന് ഉപയോക്താക്കള്ക്ക് ബുക്കിംഗ് നടത്താവുന്നതാണ്. 2018 - 19 സാമ്പത്തിക വര്ഷത്തില്, മോട്ടോര്സൈക്കിളുകളും സ്കൂട്ടറുകളും ഉള്പ്പെടെ ഇന്ത്യയില് ആകെ 78,20,745 യൂണിറ്റ് ഇരുചക്ര വാഹനങ്ങളാണ് ഹീറോ മോട്ടോകോര്പ്പ് വിറ്റത്.
https://www.facebook.com/Malayalivartha