ജി എസ് ടി വരുമാനത്തില് റെക്കോഡ് വര്ദ്ധന
2017 ജൂലൈയില് ജി എസ് ടി പ്രാബല്യത്തില് വന്നതിനു ശേഷം ഇതാദ്യമായി വരുമാനം റെക്കോഡ് നേട്ടത്തില്. ഇക്കഴിഞ്ഞ മാര്ച്ചില് രാജ്യത്തിന് ചരക്ക് സേവന നികുതിയിലൂടെ ലഭിച്ചത് 1,06,577 കോടി രൂപയാണ്. ജി എസ് ടി നിലവില് വന്ന ശേഷം ഇതാദ്യമായാണ് വരുമാനം ഒരു ലക്ഷം കോടി രൂപയിലെത്തുന്നത്.
സാമ്പത്തിക വര്ഷത്തിന്റെ തുടക്ക മാസമായ ഏപ്രിലില് ജി എസ് ടിയായി ലഭിച്ച 1,13,865 കോടി രൂപയില് സെന്ട്രല് ജി എസ് ടി (സി ജി എസ് ടി) 21,163 കോടിയും സംസ്ഥാന ജി എസ് ടി (എസ ്ജി എസ് ടി) 28,801 കോടി രൂപയുമാണ്. ഇന്റഗ്രേറ്റഡ് ജി എസ് ടി (ഐ ജി എസ് ടി) ഇനത്തില് 54,733 കോടി രൂപയും പിരിച്ചെടുക്കാനായി. സെസ് ഇനത്തില് 9,168 കോടി രൂപയാണ് ലഭിച്ചത്. 2019 മാര്ച്ചില്, കഴിഞ്ഞ വര്ഷം ഇതേ മാസം ലഭിച്ചതിനേക്കാള് 15.6 ശതമാനം വളര്ച്ചാ നിരക്കാണ് ജി എസ് ടിയില് കൈവരിച്ചിരിക്കുന്നത്. കഴിഞ്ഞ സാമ്പത്തിക വര്ഷത്തിന്റെ അവസാനപാദത്തില് ലഭിച്ചതിനേക്കാള് 14.3 ശതമാനം അധികമാണ് ഇക്കഴിഞ്ഞ സാമ്പത്തിക വര്ഷത്തിന്റെ അവസാനപാദത്തില് ലഭിച്ചത്. 2018 19 സാമ്പത്തിക വര്ഷത്തെ ജി എസ് ടി മാസ ശരാശരി 98,114 കോടി രൂപയാണ്.
https://www.facebook.com/Malayalivartha