ചെറുകിട ഇടത്തരം വ്യാപാരികള്‍ക്ക് സാമൂഹിക സുരക്ഷ ഉറപ്പാക്കുക എന്ന ലക്ഷ്യവുമായി പ്രതിമാസം 3000 രൂപ പെന്‍ഷന്‍ നല്‍കാന്‍ കേന്ദ്രമന്ത്രിസഭ തീരുമാനിച്ചത്. 18നും 40നും മദ്ധ്യേ പ്രായമുള്ളവരും 1 .5 കോടിയില്‍ താഴെ ജി എസ് ടി വരുമാനമുള്ള ചെറുകിട വ്യാപാരികള്‍ക്കും സ്വയംതൊഴില്‍ കണ്ടെത്തിയവര്‍ക്കുമാണ് പദ്ധതിയുടെ ആനുകൂല്യം ലഭിക്കുക. ഇതിലൂടെ രാജ്യത്തെ മൂന്നു കോടി ചെറുകിട വ്യാപാരികള്‍ക്ക്് ഇതിന്റെ ഗുണം ലഭിക്കും. കേന്ദ്രസര്‍ക്കാരിന്റെ സാര്‍വ്വത്രിക സാമൂഹിക സുരക്ഷാ പദ്ധതിയുടെ ഭാഗമാണ് ഈ പെന്‍ഷന്‍ പദ്ധതി. 

ചുരുങ്ങിയ നടപടി ക്രമങ്ങള്‍ കൊണ്ടു തന്നെ വ്യാപാരികള്‍ക്ക് അപേക്ഷ സമര്‍പ്പിക്കാവുന്നതാണ്. ആധാര്‍ കാര്‍ഡ്, പെന്‍ഷന്‍ തുക കൈപ്പറ്റേണ്ട ബാങ്ക് അക്കൗണ്ടിന്റെ വിവരങ്ങള്‍ എന്നിവയാണ് അപേക്ഷ സമര്‍പ്പിക്കാന്‍ ആവശ്യമായ പ്രധാന രേഖകള്‍. സാധാരണക്കാര്‍ക്ക് രാജ്യമെമ്പാടുമുള്ള 3.25 ലക്ഷം കോമണ്‍ സര്‍വ്വീസ് സെന്ററുകളിലൂടെ അപേക്ഷ സമര്‍പ്പിക്കാം.

ഒരു വ്യാപാരി പ്രതിമാസം 100 രൂപയാണ് പെന്‍ഷന്‍ പദ്ധതിയിലേയ്ക്ക് സംഭാവന നല്‍കുന്നതെങ്കില്‍ എല്ലാ മാസവും സബ്‌സിഡിയായി കേന്ദ്ര സര്‍ക്കാറും ഇതേ തുക സംഭാവന ചെയ്യുന്ന ഒരു വൊളണ്ടറി ആന്‍ഡ് കോണ്‍ട്രിബ്യൂട്ടറി പെന്‍ഷന്‍ സ്‌കീമാണിത്. 50:50 അടിസ്ഥാനത്തിലാണ് ഈ പദ്ധതി വഴി പെന്‍ഷന്‍ ലഭിക്കുക. അടുത്ത മൂന്നു വര്‍ഷത്തിനുള്ളില്‍ അഞ്ചു കോടി വ്യാപാരികള്‍ പദ്ധതിയില്‍ അംഗങ്ങളാകുമെന്നാണ് സര്‍ക്കാരിന്റെ പ്രതീക്ഷ.