ബി എസ് എന്‍ എല്‍ ഡേറ്റ ഉപയോഗത്തില്‍ ദേശീയ തലത്തില്‍ വീണ്ടും കേരളം ഒന്നാം സ്ഥാനം നിലനിര്‍ത്തി. പ്രതിദിന ഡേറ്റ ഉപയോഗം കേരളത്തില്‍ 300 ടെറാ ബൈറ്റ് (ടിബി) കടന്നു. ദേശീയ തലത്തില്‍ ബി എസ് എന്‍ എല്ലിന്റെ പ്രതിദിന ഡേറ്റ ഉപയോഗം 2000 ടിബി കടക്കുന്ന സമയത്താണ് കേരളത്തിന്റെ ഈ നേട്ടം. 326.10 ടിബി ഡേറ്റയാണ് കഴിഞ്ഞ ദിവസങ്ങളില്‍ ബി എസ് എന്‍ എല്‍ കേരള സര്‍ക്കിളില്‍ ഉപയോഗിക്കുന്ന ഡേറ്റയുടെ അളവ്. കേരളത്തില്‍ ഒരു വര്‍ഷത്തിനിടയില്‍ ഡേറ്റ ഉപയോഗത്തിലുണ്ടായ വര്‍ദ്ധനവ് രണ്ടിരട്ടിയാണ്. 4ജി അടക്കം കൂടുതല്‍ സൗകര്യങ്ങള്‍ ലഭ്യമാക്കിയാല്‍ ഉപയോക്താക്കള്‍ ബി എസ് എന്‍ എല്ലിനെ കൈവിടില്ലെന്നാണ് പുതിയ കണക്കുകള്‍ കാണിക്കുന്നത്. 

പ്രതിദിനം 175.28 ടിബി ഡേറ്റയുമായി തമിഴ്‌നാടാണ് ഡേറ്റ ഉപയോഗത്തില്‍ രണ്ടാമത്. 171.25 ടിബി പ്രതിദിന ഉപയോഗവുമായി കര്‍ണാടകയാണ് മൂന്നാം സ്ഥാനത്ത്. ദേശീയ തലത്തില്‍ ഏറ്റവും കൂടുതല്‍ ഡേറ്റ ഉപയോഗം നടത്തുന്നത് ദക്ഷിണേന്ത്യന്‍ സര്‍ക്കിളുകളാണ്.