വ്യാപാര ആഴ്ചയുടെ ആദ്യദിനത്തില്‍തന്നെ ഓഹരി വിപണിയില്‍ നഷ്ടം.സെന്‍സെക്‌സ് 105 പോയന്റ് താഴ്ന്ന് 39088ലും നിഫ്റ്റി 31 പോയന്റ് നഷ്ടത്തില്‍ 11692ലുമാണ് വ്യാപാരം നടക്കുന്നത്. ബിഎസ്ഇയിലെ 798 കമ്പനികളുടെ ഓഹരികള്‍ നേട്ടത്തിലും 777 ഓഹരികള്‍ നഷ്ടത്തിലുമാണ്.

യെസ് ബാങ്ക്, എല്‍ആന്റ്ടി, യുപിഎല്‍, ഭാരതി എയര്‍ടെല്‍, സീ എന്റര്‍ടെയ്ന്‍മെന്റ് തുടങ്ങിയ ഓഹരികളാണ് നേട്ടത്തില്‍.ഡോ.റെഡ്ഡീസ് ലാബ്, ടെക് മഹീന്ദ്ര, റിലയന്‍സ്, ഹീറോ മോട്ടോര്‍കോര്‍പ്, ആക്‌സിസ് ബാങ്ക്, ഇന്ത്യബുള്‍സ് ഹൗസിങ് തുടങ്ങിയ ഓഹരികള്‍ നഷ്ടത്തിലുമാണ്.

നിഫ്റ്റി ബാങ്ക് സൂചിക 0.3 ശതമാനം നേട്ടത്തിലാണ്. നിഫ്റ്റി മിഡ് ക്യാപ് സൂചിക 20 പോയന്റും ഉയരത്തിലാണ്. സിജി പവര്‍, ബന്ധന്‍ ബാങ്ക്, ബല്‍റാംപുര്‍ ചിനി, ധാംപൂര്‍ ഷുഗര്‍ തുടങ്ങിയ ഓഹരികള്‍ 1 മുതല്‍ 8 ശതമാനംവരെ നേട്ടത്തിലാണ്. അതേസമയം, റിലയന്‍സ് ക്യാപിറ്റല്‍, ശോഭ, മദേഴ്‌സണ്‍ സുമി, ഗ്ലെന്‍മാര്‍ക്ക് ഫാര്‍മ തുടങ്ങിയ ഓഹരികള്‍ സമ്മര്‍ദത്തിലുമാണ്.