റെക്കാര്‍ഡുകള്‍ ഭേദിച്ച് സ്വര്‍ണ വില കുതിക്കുകയാണ്. ഇന്ന് ആഭ്യന്തര വിപണിയില്‍ പവന് 200 രൂപ വര്‍ധിച്ച് 25,920 എന്ന പുതിയ റിക്കോഡില്‍ എത്തി. രണ്ടു ദിവസത്തിന് ശേഷമാണ് ആഭ്യന്തര വിപണിയില്‍ വില വര്‍ധനയുണ്ടായിരിക്കുന്നത്. ജൂലൈ മാസം മാത്രം ഇതുവരെ പവന് 1,000 രൂപയുടെ വര്‍ധനവ് രേഖപ്പെടുത്തിയിട്ടുണ്ട്.
ഗ്രാമിന് 25 രൂപ കൂടി 3,240 രൂപയിലാണ് ഇന്ന് വ്യാപാരം പുരോഗമിക്കുന്നത്. സ്വര്‍ണത്തിന്റെ ഇറക്കുമതി തീരുവ കേന്ദ്ര സര്‍ക്കാര്‍ രണ്ടര ശതമാനം വര്‍ധിപ്പിച്ചതിന് ശേഷം ആഭ്യന്തര വിപണിയില്‍ കനത്ത വിലക്കയറ്റമാണ് ഉണ്ടായത്.