ഒന്നിലധികം അക്കൗണ്ടുകളില്‍ നിന്നായി ഒരു കോടിക്കു മേല്‍ പണം പിന്‍വലിച്ചാല്‍ നികുതി രണ്ടുശതമാനം
19 JULY 2019 12:56 PM IST
മലയാളി വാര്‍ത്ത
ഒന്നിലേറെ അക്കൗണ്ടുകളില്‍ നിന്നായി ഒരുകോടിക്കു മേല്‍ പണം പിന്‍വലിച്ചാലും രണ്ടുശതമാനം നികുതി ഈടാക്കും. ഇതിനായി ബജറ്റുനിര്‍ദേശത്തില്‍ ഭേദഗതി വരുത്തി. വ്യാഴാഴ്ച പാസാക്കിയ ധനകാര്യബില്ലിലാണു ഭേദഗതി കൊണ്ടുവന്നത്.
ഒരു കോടിക്കുമേല്‍ പണം പിന്‍വലിച്ചാല്‍ രണ്ടുശതമാനം നികുതി ഈടാക്കുമെന്ന നിര്‍ദേശം മറികടക്കാന്‍ ഒന്നിലേറെ അക്കൗണ്ടുകളില്‍ നിന്നു പണം പിന്‍വലിച്ചേക്കുമെന്ന ആശങ്ക ഉയര്‍ന്ന പശ്ചാത്തലത്തിലാണ് ഈ തീരുമാനമെന്ന് ധനമന്ത്രി നിര്‍മലാ സീതാരാമന്‍ ലോക്‌സഭയെ അറിയിച്ചു. ഇതടക്കം 28 ഭേദഗതികള്‍ക്കാണു ലോക്‌സഭ അംഗീകാരം നല്‍കിയത്. ഡിജിറ്റല്‍ ഇടപാടുകള്‍ പ്രോത്സാഹിപ്പിക്കുന്നതിനായാണു പണമായി ഒരുകോടിയിലേറെ പിന്‍വലിക്കുന്നതിനു നികുതിയേര്‍പ്പെടുത്തിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
