ഓഹരി വിപണിയില്‍ നഷ്ടം തുടരുന്നു. സെന്‍സെക്സ് 153 പോയന്റ് താഴ്ന്ന് 38144ലിലും നിഫ്റ്റി 52 പോയന്റ് നഷ്ടത്തില്‍ 11307ലുമാണ് വ്യാപാരം നടക്കുന്നത്. ബിഎസ്ഇയിലെ 523 കമ്ബനികളുടെ ഓഹരികള്‍ നേട്ടത്തിലും 718 ഓഹരികള്‍ നഷ്ടത്തിലുമാണ്. യുഎസ് ഓഹരി വിപണി നഷ്ടത്തിലായിതിനെതുടര്‍ന്ന് മറ്റ് ഏഷ്യന്‍ വിപണികളും സമ്മര്‍ദത്തിലാണ്.

അതേസമയം, ചില വാഹന ഓഹരികളില്‍ വാങ്ങല്‍ താല്‍പര്യം പ്രകടമാണ്. ഐഷര്‍ മോട്ടോഴ്സ്, ഹീറോ മോട്ടോകോര്‍പ്, എംആന്റ്എം എന്നീ ഓഹരികളാണ് നേട്ടത്തിലുള്ളത്. ഹിന്‍ഡാല്‍കോ, വേദാന്ത, ടാറ്റ സ്റ്റീല്‍, ആക്സിസ് ബാങ്ക്, കോള്‍ ഇന്ത്യ, കൊട്ടക് മഹീന്ദ്ര, എച്ച്ഡിഎഫ്സി ബാങ്ക്, ഭാരതി എയര്‍ടെല്‍ തുടങ്ങിയ ഓഹരികള്‍ നഷ്ടത്തിലുമാണ്.

കഴിഞ്ഞ വ്യാപാരദിനത്തില്‍ കനത്ത നഷ്ടമുണ്ടാക്കിയ യെസ് ബാങ്ക് നേട്ടത്തിലാണ്. ടാറ്റ മോട്ടോഴ്സ്, ഐഒസി, ബിപിസിഎല്‍, എച്ച്സിഎല്‍ ടെക്, ഐടിസി, ഇന്‍ഫോസിസ്, ബജാജ് ഓട്ടോ തുടങ്ങിയ ഓഹരികളും നേട്ടത്തിലാണ്.