ഓഹരി വിപണിയിൽ തുടർച്ചയായ രണ്ടാം ദിവസവും നഷ്ടം. വിപണിയുടെ തുടക്കത്തിൽ സെൻസെക്‌സ് 250 പോയിന്റാണ് താഴ്ന്നത് . നിഫ്റ്റി 25,700 എന്ന സൈക്കോളജിക്കൽ ലെവലിനും താഴെയാണ്.

ആഗോള വിപണിയിൽ നിന്നുള്ള സമ്മിശ്ര പ്രതികരണങ്ങളും കമ്പനികളുടെ രണ്ടാം പാദ ഫല കണക്കുകൾ പുറത്തുവരുന്നതുമാണ് വിപണിയെ സ്വാധീനിക്കുന്നത്. ഇതിന് പുറമേ ഇന്ത്യ- അമേരിക്ക വ്യാപാര കരാറുമായി ബന്ധപ്പെട്ട് ഉണ്ടാകുന്ന ചലനങ്ങളും നിക്ഷേപകർ സൂക്ഷ്മമായി നിരീക്ഷിക്കുന്നു.

വിപണി നഷ്ടം നേരിടുമ്പോഴും പൊതുമേഖല ബാങ്ക് ഓഹരികൾ തിളങ്ങുന്നു. എന്നാൽ എഫ്എംസിജി, ഐടി ഓഹരികളിൽ ഉണ്ടായ നഷ്ടമാണ് വിപണിയിൽ മൊത്തത്തിൽ പ്രതിഫലിക്കുന്നത്. മാരുതി സുസുക്കി, ഭാരത് ഇലക്ട്രോണിക്‌സ്, ടൈറ്റൻ കമ്പനി, അദാനി പോർട്‌സ് ഓഹരികളാണ് പ്രധാനമായി നഷ്ടം നേരിടുന്നത്.

അതിനിടെ, രൂപയും നഷ്ടത്തിലാണ്. വിപണിയുടെ തുടക്കത്തിൽ ഡോളറിനെതിരെ ഏഴു പൈസയുടെ നഷ്ടത്തോടെ 88.77 എന്ന നിലയിലാണ് രൂപയുടെ വിനിമയം നടക്കുന്നത്.