ഷോപ്പിംഗ്‌ ഒരു വിസ്‌മയമാക്കാന്‍ ഗ്രാന്റ്‌ കേരള ഷോപ്പിംഗ്‌ ഫെസ്റ്റിവല്‍ വീണ്ടും. ഡിസംബര്‍ 15മുതലുള്ള 48 ദിനങ്ങളിലാണ്‌ ഷോപ്പിംഗ്‌ ഫെസ്റ്റിവല്‍. കേരളത്തില്‍ അങ്ങോളമിങ്ങോളമുള്ള പതിനായിരത്തോളം വ്യപാരസ്ഥാപനങ്ങളാണ്‌ ഈ മേളയില്‍ പങ്ക്‌ ചേരുന്നത്‌. അനേകം സമ്മാനങ്ങള്‍ക്കൊപ്പം ഒരു ഗ്രാം മുതല്‍ ഒരു കിലോ ഗ്രാം വരെയുള്ള സ്വര്‍ണവും സ്വന്തമാക്കാവുന്നതാണ്‌.  ഓണ്‍ലൈന്‍ ഷോപ്പിംഗിലൂടെ ഉത്സവ സമ്മാനമെത്തിക്കാനും ഈ ഷോപ്പിംഗ്‌ ഫെസ്റ്റിവല്‍ അവസരമൊരുക്കുന്നു. ഈ ആറാമത്‌ സീസണില്‍ പങ്കെടുക്കുന്ന വ്യാപാര സ്ഥാപനങ്ങള്‍ക്കായി പ്രത്യേക പോര്‍ട്ടലും ഒരുക്കിയിട്ടുണ്ട്‌.ഡിസംബര്‍ 15 വരെ രജിസ്റ്റര്‍ ചെയ്യുന്ന ഗോള്‍ഡ്‌, സില്‍വര്‍ വിഭാഗങ്ങളിലുള്ള എല്ലാ വ്യാപാര സ്ഥാപനങ്ങളേയും ഈ ഓണ്‍ലൈന്‍ പോര്‍ട്ടലില്‍ ഉള്‍പ്പെടുത്തിയിട്ടുണ്ട്‌. ഡിസംബര്‍ 10 മുതല്‍ ജനുവരി 31 വരെ ഓണ്‍ലൈനിലൂടെ ഷോപ്പിംഗ്‌ ചെയ്യാവുന്നതാണ്‌.
കച്ചവടക്കാരും ഉപഭോക്താക്കളും വളരെ ആവേശത്തോടെയാണ്‌ ഈ ഷോപ്പിംഗ്‌ മാമാങ്കത്തെ നോക്കിക്കാണുന്നത്‌.