കേരളത്തിൽ വ്യവസായം വരരുതെന്ന് ആഗ്രഹിക്കുന്ന ലോബി ശക്തമായി പ്രവർത്തിക്കുന്നുവെന്ന വെളിപ്പെടുത്തലുമായി മന്ത്രി പി. രാജീവ്. നിയമസഭയിലാണ് അദ്ദേഹം ഈ കാര്യം പറഞ്ഞത് . കാലഹരണപ്പെട്ട നിയമങ്ങൾ മാറ്റുന്നത് സംബന്ധിച്ച് നിയമസഭയിൽ താൻ വിശദീകരണം നടത്തിയിരുന്നു.

എന്നാൽ ഇതിന്റെ ചില ഭാഗങ്ങൾ മാത്രം അടർത്തിയെടുത്ത് സോഷ്യൽ മീഡിയയിൽ പ്രചാരണം നടത്തിയത് ലോബികളാണെന്ന് അദ്ദേഹം പറഞ്ഞു. കാലഹരണപ്പെട്ട നിയമങ്ങൾ മാറ്റാൻ രൂപീകരിച്ച കെ.സി. സണ്ണിയുടെ നേതൃത്വത്തിലുള്ള കമ്മിറ്റി പ്രവർത്തനം തുടങ്ങി. മൂന്ന് മാസത്തിനകം റിപ്പോർട്ട് ലഭിക്കുകയും ചെയ്യും .

രാജ്യത്ത് ഏറ്റവും കൂടുതൽ മരുന്ന് ഉപഭോഗം കേരളത്തിലാണ് ഉള്ളതെന്നും ജീവിതശൈലീ രോഗങ്ങൾക്കുള്ള എല്ലാ മരുന്നുകളും ഇവിടെ ഉത്പാദിപ്പിക്കുമെന്നും അദ്ദേഹം പറഞ്ഞു . ഇതേക്കുറിച്ച് പഠിച്ച് റിപ്പോർട്ട് സമർപ്പിക്കാൻ ആരോഗ്യ വ്യവസായ സെക്രട്ടറിമാർ അടങ്ങിയ രണ്ടംഗ കമ്മിറ്റി രൂപീകരിച്ചു . ചേർത്തലയിലെ കേരള ഡ്രഗ്സ് ആൻഡ് ഫാർമസ്യൂട്ടിക്കൽസിൽ അർബുദ ചികിത്സയ്ക്കുള്ള മരുന്ന് ഉത്പാദനം തുടങ്ങി .

മട്ടന്നൂരിൽ വ്യവസായ പാർക്കിനുള്ള ആക്‌ഷൻ പ്ലാൻ തയ്യാറാക്കി . ഇവിടെ ഫുഡ് പ്രോസസിംഗ് യൂണിറ്റ് സജീവപരിഗണനയിലാണ്. പരിസ്ഥിതി, തൊഴിലാളി സൗഹൃദ സംരംഭങ്ങൾക്കാണ് വ്യവസായ വകുപ്പ് പ്രോത്സാഹനം നൽകുന്നുണ്ട് .കിൻഫ്രയുടെ ഭൂമിയിൽ വലിയൊരുഭാഗവും വിവിധ വ്യവസായ സംരംഭങ്ങൾക്കായി നൽകിയിട്ടുണ്ട്.

ഇതുൾപ്പടെ വ്യവസായവകുപ്പിന് കീഴിലുള്ള കെ.എസ്.ഐ.ഡി.സി., സിഡ്കോ തുടങ്ങിയവയുടെ ഭൂമിയുടെ സ്റ്റാറ്റസ് റിപ്പോർട്ട് തയ്യാറാക്കുന്നുണ്ടെന്നും മന്ത്രി തുറന്നടിച്ചു . ഇ-ഓട്ടോ പദ്ധതി പ്രതിസന്ധിയിലായിട്ടില്ലെന്നും ഡീലർഷിപ്പ് ഉപേക്ഷിക്കുന്ന സാഹചര്യമുണ്ടായിട്ടില്ലെന്നും മന്ത്രി പറഞ്ഞു.

വിറ്റ ഓട്ടോകളിൽ പ്രവർത്തിക്കാത്തവ ഇല്ല. 22 ഓട്ടോകൾ നേപ്പാളിലേക്ക് കയറ്റി അയച്ചിട്ടുണ്ട്. ശ്രീലങ്ക, ടാൻസാനിയ എന്നിവിടങ്ങളിൽ നിന്ന് കൂടുതൽ അന്വേഷണം വന്നിട്ടുണ്ട്.കിൻഫ്രയിൽ പ്രത്യേകഫാർമ പാർക്ക്കൃത്രിമപ്പല്ല്, മറ്റുമെഡിക്കൽ ഉപകരണങ്ങൾ തുടങ്ങിയവ ഉത്പാദിപ്പിക്കാനുള്ള പ്രത്യേക ഫാർമസ്യൂട്ടിക്കൽ പാർക്ക് കിൻഫ്രയിൽ തുടങ്ങും.