ഓഹരി വിപണിയില് കുതിപ്പ്....ബിഎസ്ഇ സെന്സെക്സ് 800ലധികം പോയിന്റ് മുന്നേറി
ഓഹരി വിപണിയില് കുതിപ്പ്....ബിഎസ്ഇ സെന്സെക്സ് 800ലധികം പോയിന്റ് മുന്നേറി. 22,000 എന്ന സൈക്കോളജിക്കല് ലെവലിനും മുകളിലാണ് നിഫ്റ്റി.
കഴിഞ്ഞ ദിവസങ്ങളില് വലിയ തോതിലുള്ള വില്പ്പന സമ്മര്ദ്ദമാണ് ഓഹരി വിപണി നേരിട്ടത്. അമിതമായ വില്പ്പനയെ തുടര്ന്ന് ഓഹരികള് കുറഞ്ഞ വിലയ്ക്ക് ലഭിക്കുമെന്ന പ്രതീക്ഷയാണ് വിപണിയില് പ്രതിഫലിക്കുന്നത്.
ഐടി, മെറ്റല്, എണ്ണ, പ്രകൃതി വാതകം, ചെറുകിട, ഇടത്തരം കമ്പനികള് എന്നിവയില് ആണ് കാര്യമായ മുന്നേറ്റം ദൃശ്യമാകുന്നത്. ടാറ്റ സ്റ്റീല്, മഹീന്ദ്ര ആന്റ് മഹീന്ദ്ര, എച്ച്സിഎല് ടെക്നോളജീസ്, ടെക് മഹീന്ദ്ര, അദാനി പോര്ട്സ്, ടാറ്റ മോട്ടോഴ്സ് ഓഹരികളാണ് പ്രധാനമായി നേട്ടം ഉണ്ടാക്കുന്നത്. ബജാജ് ഫിനാന്സ്, അള്ട്രാടെക് സിമന്റ്, എച്ച്ഡിഎഫ്സി ബാങ്ക് ഓഹരികളാണ് പ്രധാനമായി നഷ്ടം നേരിട്ടത്.
അതേസമയം സംസ്ഥാനത്ത് സ്വര്ണവിലയില് വര്ദ്ധനവ്... പവന് 440 രൂപയുടെ വര്ദ്ധനവ്. സ്വര്ണവിലയുടെ കുതിപ്പ് തുടരുന്നു. 64,520 രൂപയാണ് ഇന്ന് ഒരു പവന് സ്വര്ണത്തിന്റെ വില. ഗ്രാമിന് 55 രൂപയാണ് വര്ധിച്ചത്.
8,065 രൂപയാണ് ഒരു ഗ്രാം സ്വര്ണത്തിന്റെ വില. ദിവസങ്ങള്ക്കകം ആയിരം രൂപ ഇടിഞ്ഞ ശേഷമാണ് സ്വര്ണവിലയുടെ തിരിച്ചുവരവ്.ഫെബ്രുവരി 25ന് കുറിച്ച പുതിയ ഉയരമായ 64,600 രൂപ മറികടന്ന് കുതിക്കുമെന്ന സൂചന നല്കിയാണ് കഴിഞ്ഞ രണ്ടു ദിവസമായി സ്വര്ണവില ഉയരുന്നത്. ഓഹരി വിപണിയിലെ ചലനങ്ങളെയും രാജ്യാന്തര വിപണിയിലെ മാറ്റങ്ങളെയും തുടര്ന്നാണ് സ്വര്ണവില കുതിക്കുന്നത്.
"
https://www.facebook.com/Malayalivartha
