ഹോളി പ്രമാണിച്ച് ഓഹരി വിപണിക്ക് വെള്ളിയാഴ്ച അവധി. ഇക്വിറ്റി, ഡെറിവേറ്റീവ് ഇടപാടുകള്‍ക്കും അവധി ബാധകമായിരിക്കും. നാഷണല്‍ സ്റ്റോക്ക് എക്സ്ചേഞ്ച്(എന്‍എസ്ഇ), ബോംബെ സ്റ്റോക്ക് എക്സ്ചേഞ്ച് (ബിഎസ്ഇ)എന്നിവ പ്രവര്‍ത്തിക്കില്ല.

ഈദുല്‍ ഫിത്തര്‍ പ്രമാണിച്ച് മാര്‍ച്ച് 31നും വിപണിക്ക് അവധിയാണ്. വിവിധ ആഘോഷങ്ങളുടെയും മറ്റും ഭാഗമായി ഈ വര്‍ഷം 14 ദിവസമാണ് വിപണിക്ക് അവധിയുള്ളത്.

രാജ്യത്തെ കമ്മോഡിറ്റി വിപണിയായ എംസിഎക്സ് രണ്ട് സെഷനുകളായാണ് പ്രവര്‍ത്തിക്കുക. രാവിലെ എക്സ്ചേഞ്ച് പ്രവര്‍ത്തിക്കില്ല. വൈകുന്നേരത്തെ സെഷനില്‍ സാധാരണപോലെ ഇടപാട് നടത്താവുന്നതാണ്.