പ്ലസ് വണ് പ്രവേശനം മെയ് ആറു മുതല് അപേക്ഷിക്കാം
എസ്എസ്എല്സി ജയിച്ചവര്ക്കു മേയ് ആറു മുതല് പ്ലസ് വണ് പ്രവേശനത്തിനായി ഓണ്ലൈന് അപേക്ഷ നല്കാം. എസ്എസ്എല്സി വിജയിച്ച 4,58,841 വിദ്യാര്ഥികള്ക്കായി 3,61,130 പ്ലസ് വണ് സീറ്റുകള് ഇപ്പോഴുണ്ടെന്നു മന്ത്രി പി.കെ. അബ്ദുറബ്ബ് അറിയിച്ചു. വിഎച്ച്എസ്ഇ, പോളിടെക്നിക്് സീറ്റുകള് ഇതിനു പുറമെയാണ്. സ്കൂളില് പ്ലസ് വണ് പ്രവേശനം നേടാന് സാധിക്കാത്തവര്ക്ക് ഓപ്പണ് സ്കൂളില് ചേരാം.
പ്ളസ് വണ് പ്രവേശനത്തിന് ഓണ്ലൈനായി അപേക്ഷിക്കാനും അപേക്ഷയുടെ പ്രിന്റ്ഔട്ടും അനുബന്ധ രേഖകളും പരിശോധനയ്ക്കായി ജില്ലയിലെ ഏതെങ്കിലും എയ്ഡഡ്, ഗവ. ഹയര് സെക്കന്ഡറി സ്കൂളില് സമര്പ്പിക്കാനുമുള്ള അവസാന തീയതി മേയ് 20 ആണ്. ട്രയല് അലോട്മെന്റ് ജൂണ് മൂന്നിനും ആദ്യ അലോട്മെന്റ് ജൂണ് 10നും നടക്കും. രണ്ട് അലോട്മെന്റിനു ശേഷം ജൂലൈ ഒന്നിനു പ്ലസ് വണ് ക്ളാസ് തുടങ്ങും. കഴിഞ്ഞ വര്ഷം ജൂലൈ 14നാണു ക്ളാസ് തുടങ്ങിയത്.
മുഖ്യഘട്ടം കഴിഞ്ഞാല് സപ്ലിമെന്ററി അലോട്മെന്റുകളിലൂടെ ശേഷിക്കുന്ന ഒഴിവുകള് നികത്തി ജൂലൈ 31നു പ്രവേശന നടപടികള് അവസാനിപ്പിക്കും. സ്പോര്ട്സ് ക്വോട്ട പ്രവേശനവും ഓണ്ലൈനായിട്ടായിരിക്കും നടത്തുക. ജൂണ് 15,18 തീയതികളില് ഇവര്ക്കായി അലോട്മെന്റ് നടത്തും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha