യുഎസ് സര്‍വകലാശാലയില്‍ സെല്‍ഫി കോഴ്‌സ്
തരാതരം സെല്‍ഫികളെടുത്ത് ലോകം ആനന്ദമടയുമ്പോള്‍, യുഎസ് സര്‍വകലാശാല ഈ സെല്‍ഫി സംസ്‌കാരത്തെക്കുറിച്ച് പഠിപ്പിച്ച് ആനന്ദമടയും! സെല്‍ഫി ഒരു കലയാണെന്നും സാംസ്‌കാരികചിഹ്നമാണെന്നുമുള്ള കാര്യത്തില്‍ സംശയമില്ലാത്ത സൗത്ത് കാരലിന സര്‍വകലാശാലയാണ് സെല്‍ഫി ക്ലാസ് തന്നെ തുടങ്ങിയിരിക്കുന്നത്. എഴുത്തും വിമര്‍ശനാത്മക ന്യായവാദവും: വ്യക്തിത്വവും വൈവിധ്യവും\' എന്നപേരു കേട്ടു പേടിക്കേണ്ട. വളച്ചുകെട്ടാതെയങ്ങു പറഞ്ഞാല്‍, സംഗതി സെല്‍ഫിക്ലാസ് തന്നെ. സെല്‍ഫി സംസ്‌കാരം ഈ ലോകത്തെയെങ്ങനെ തലകീഴായി മറിച്ചെന്ന രസികന്‍ വിഷയമാണ് യുഎസിലെ പിള്ളേരു പഠിക്കുക. സെല്‍ഫിയെടുത്തും സെല്‍ഫി \'പഠിച്ചു\'മാണ് ക്ലാസിന്റെ പോക്ക്. സെലിബ്രിറ്റി സെല്‍ഫികളുമായി താരതമ്യപഠനം, സാംസ്‌കാരിക പഠനം എന്നിങ്ങനെ വിവിധ വശങ്ങള്‍. സെല്‍ഫിയുടെ വിവിധ രൂപങ്ങള്‍ മാനവചരിത്രത്തിലെമ്പാടും കാണാമെന്നും 21ാം നൂറ്റാണ്ടിനെ അടയാളപ്പെടുത്തുന്ന സാംസ്‌കാരികചിഹ്നമായി സെല്‍ഫി മാറുമെന്നുമാണ് \'സെല്‍ഫി ടീച്ചര്‍\' മാര്‍ക്ക് മാരിനോയുടെ നിരീക്ഷണം.
https://www.facebook.com/Malayalivartha
