ത്രിവത്സര എല്എല്ബി കോഴ്സിലേക്കുള്ള പ്രവേശന പരീക്ഷയ്ക്ക് അപേക്ഷ ക്ഷണിച്ചു
കേരളത്തിലെ നാല് സര്ക്കാര് ലോ കോളേജുകളിലെയും സംസ്ഥാന സര്ക്കാരുമായി സീറ്റ് പങ്കിടുന്നതിന് കരാര് ഒപ്പിട്ട സ്വകാര്യ സ്വാശ്രയ ലോ കോളേജുകളിലെയും 2014-15 അധ്യയന വര്ഷത്തെ ത്രിവത്സര എല്എല്ബി കോഴ്സിലേക്കുള്ള പ്രവേശന പരീക്ഷയ്ക്ക് അപേക്ഷ ക്ഷണിച്ചു. സംസ്ഥാനത്തെ ഏതെങ്കിലും സര്വകലാശാലയുടെ ബിരുദമോ അല്ലെങ്കില് സംസ്ഥാനത്തെ സര്വകലാശാല തത്തുല്യമായി അംഗീകരിച്ച മറ്റേതെങ്കിലും സര്വകലാശാലയുടെ ബിരുദമോ എല്ലാ പാര്ട്ടും ചേര്ത്ത് കുറഞ്ഞത് 45 ശതമാനം മാര്ക്കോടെ പാസായിരിക്കണം. എസ്സി/എസ്ടിക്ക് 40 ശതമാനം മാര്ക്ക് മതി. പ്രായപരിധി ഇല്ല. തിരുവനന്തപുരം, എറണാകുളം, തൃശൂര്, കോഴിക്കോട് എന്നീ കേന്ദ്രങ്ങളില് ആഗസ്ത് 10ന് പരീക്ഷ നടത്തും. ഇതിനായി 19 മുതല് 29 www. cee.kerala.gov.in രെ എന്ന വെബ്സൈറ്റ് വഴി ഓണ്ലൈനായി അപേക്ഷ സമര്പ്പിക്കാം.
ഓണ്ലൈന് അപേക്ഷയുടെ പ്രിന്റൗട്ട് അനുബന്ധരേഖകള് സഹിതം 30ന് വൈകിട്ട് 5 നുള്ളില് രജിസ്റ്റേര്ഡ് തപാല്/സ്പീഡ് പോസ്റ്റ് മുഖാന്തരമോ, നേരിട്ടോ കമീഷണര് ഫോര് എന്ട്രന്സ് എക്സാമിനേഷന്സ്, ഹൗസിങ് ബോര്ഡ് ബില്ഡിങ്, ശാന്തിനഗര്, തിരുവനന്തപുരം- 695001 എന്ന വിലാസത്തില് എത്തിക്കണം. അപേക്ഷാ ഫീസ്: ജനറല്/ എസ്ഇബിസി വിഭാഗത്തിന് 600 രൂപയും എസ്സി/എസ്ടി വിഭാഗത്തിന് 300 രൂപയും. പ്രവേശനപരീക്ഷയുടെ വിശദാംശങ്ങളടങ്ങുന്ന പ്രോസ്പെക്ടസും വിജ്ഞാപനവും വെബ്സൈറ്റില് ലഭ്യമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha