തൊഴിലാളികളുടെ മക്കള്ക്ക് കുറഞ്ഞ ഫീസില് പിജിഡിസിഎ കോഴ്സ് പഠിക്കാന് അവസരം
കേരള തൊഴിലാളി ക്ഷേമനിധി ബോര്ഡില് അംഗമായ തൊഴിലാളികളുടെ മക്കള്ക്ക് കുറഞ്ഞ ഫീസില് പിജിഡിസിഎ കോഴ്സ് പഠിക്കാം.ബോര്ഡില് അംശാദായം അടയ്ക്കുന്ന സ്ഥാപനങ്ങളിലെ തൊഴിലാളികളുടെ മക്കള്ക്ക് സംസ്ഥാന സര്ക്കാര് സ്ഥാപനമായ എല്ബിഎസ് സെന്റര് ഫോര് സയന്സ് ആന്ഡ് ടെക്നോളജിയുടെ കേന്ദ്രങ്ങളില് പഠിക്കാം. എറണാകുളം, കോഴിക്കോട് കേന്ദ്രങ്ങളിലാണ് പിജിഡിസിഎ കോഴ്സിന് അപേക്ഷ ക്ഷണിച്ചിരിക്കുന്നത്.
സര്വകലാശാല ബിരുദമാണ് യോഗ്യത. ഒന്നര വര്ഷം ദൈര്ഘ്യമുളള കോഴ്സിന് 5000 രൂപയ്ക്കു മുകളില് വരുമാനം ഉളള തൊഴിലാളികളുടെ മക്കള്ക്ക് ആകെ ഫീസിന്റെ 50 ശതമാനവും 5000 രൂപയ്ക്ക് താഴെ വരുമാനമുളളവര്ക്ക് 75 ശതമാനവും പട്ടികജാതി-വര്ഗ തൊഴിലാളികളുടെ മക്കള്ക്ക് മുഴുവന് ഫീസിളവും നല്കും. കൂടാതെ 10 ശതമാനം സംവരണവും ചെയ്തിട്ടുണ്ട്.
അപേക്ഷാ ഫോറം ലേബര് വെല്ഫെയര് ഫണ്ട് ഇന്സ്പെക്ടര്മാരുടെ ജില്ലാ കാര്യാലയങ്ങളില് നിന്നും ഓഗസ്റ്റ് 23 വരെ ലഭിക്കും. പൂരിപ്പിച്ച അപേക്ഷകള് 25ന് വൈകുന്നേരം അഞ്ചുവരെ സ്വീകരിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha